2018 November 18 Sunday
ജീവിച്ചതല്ല ജീവിതം, നാം ഓര്‍മയില്‍ വയ്ക്കുന്നതാണ്, പറഞ്ഞു കേള്‍പ്പിക്കാന്‍ വേണ്ടി നാം ഓര്‍മ്മയില്‍ വയ്ക്കുന്നതാണു ജീവിതം

ഇല്ലം ചുട്ട് എലിപോലും ചത്തില്ല; 15.44 ലക്ഷം കോടി രൂപ നിരോധിച്ച് കിട്ടിയത് 58.3 കോടി രൂപയുടെ കള്ളനോട്ട്

കള്ളപ്പണവും വ്യാജനോട്ടുകളും പിടികൂടാനാണ് നോട്ട്‌നിരോധനമെന്നായിരുന്നു 2016 നവംബര്‍ എട്ടിന് രാത്രി എട്ടുമണിക്ക് പ്രധാനമന്ത്രി നരേന്ദ്ര മോദിയുടെ പ്രഖ്യാപനം. എന്നിട്ടെത്ര കള്ളനോട്ടുകള്‍ പിടികൂടി എന്നതിന് ഉത്തരം ലഭിക്കാന്‍ കാലം കുറേ കാത്തിരിക്കേണ്ടി വന്നു.

ആദ്യം മോദി 50 ദിവസം ചോദിച്ചു. 50 പോയിട്ട് 500 ദിവസം പിന്നിട്ടപ്പോഴും തീരാത്ത ദുരിതത്തിനൊടുവില്‍, ആര്‍.ബി.ഐ വാര്‍ഷിക റിപ്പോര്‍ട്ടിലാണ് കണക്കുകള്‍ പ്രത്യക്ഷപ്പെട്ടത്. എല്ലാ കണക്കുകളും വന്നില്ലെങ്കിലും, നോട്ട് നിരോധനത്തിലൂടെ എത്ര കള്ളനോട്ടുകള്‍ പിടികൂടിയെന്ന കാര്യം പുറത്തുവന്നു. വെറും 58.3 കോടി രൂപയുടെ കള്ളനോട്ടുകളാണ് കണ്ടെത്താനായത്. നിരോധിച്ചത് 15.44 ലക്ഷം കോടി രൂപ!. അതായത്, നിരോധിച്ചതിന്റെ 0.0034 ശതമാനം മാത്രം.

നോട്ട് നിരോധനം ഇല്ലാതെത്തന്നെ ഇതിലധികം കള്ളനോട്ടുകള്‍ പിടിക്കപ്പെടുന്നുണ്ട്. പ്രതിവര്‍ഷം ശരാശരി 70 കോടി രൂപയെങ്കിലും ഇങ്ങനെ പിടിക്കുന്നുണ്ട്. ഇതു പാളിയപ്പോഴാണ് കള്ളനോട്ടിനു വേണ്ടിയല്ല, വേറെയും ലക്ഷ്യമുണ്ടെന്ന തലത്തിലേക്ക് മോദിയും ജയ്റ്റ്‌ലിയും കൂട്ടരും ദിശ മാറ്റിപ്പിടിച്ചത്.


 

 

 


കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.