2019 April 26 Friday
ഒരു പ്രഭുവിന്റെ രക്തത്തെക്കാള്‍ വില കൂടിയതത്രെ ഒരു പിച്ചക്കാരന്റെ കൈയിലുള്ള പുസ്തകം -വില്യം ഷേക്‌സ്പിയര്‍

രാജ്യാന്തര വിപണിയില്‍ ക്രൂഡ് ഓയിലിന് കുറഞ്ഞത് 15 ശതമാനം; ഇവിടെ കുറഞ്ഞത് പെട്രോളിന് 20 പൈസയും ഡീസലിന് 15 പൈസയും

കൊച്ചി: രാജ്യാന്തര വിപണിയില്‍ ക്രൂഡ് ഓയിലിന്റെ വില കുത്തനെ ഇടിഞ്ഞെങ്കിലും ഇന്ത്യന്‍ വിപണിയില്‍ ഇന്ധനത്തിന് ചില്ലിക്കാശ് മാത്രമാണ് കുറയുന്നത്. ഇന്ന് കേരളത്തില്‍ പെട്രോളിന് 20 പൈസയും ഡീസലിന് 12 പൈസയും മാത്രമാണ് കുറഞ്ഞത്. നിരന്തരമായ വര്‍ധനയ്ക്ക് കേന്ദ്ര സര്‍ക്കാരും എണ്ണക്കമ്പനികളും പറഞ്ഞ കാരണം അന്താരാഷ്ട്ര വിപണിയിലെ വിലക്കയറ്റമായിരുന്നു.

എന്നാല്‍ കഴിഞ്ഞയാഴ്ച ക്രൂഡ് ഓയില്‍ വിലയില്‍ 15 ശതമാനം ഇടിവുണ്ടായി. 85 ഡോളറുണ്ടായിരുന്ന ക്രൂഡ് ഓയിലിന് ഇപ്പോള്‍ 73.04 ഡോളറാണ് വില.

യു.എസ് ഇറാനു മേല്‍ നവംബര്‍ അഞ്ചു മുതല്‍ ഏര്‍പ്പെടുത്തുന്ന എണ്ണ ഉപരോധത്തിന്റെ പശ്ചാത്തലത്തില്‍ മറ്റു രാജ്യങ്ങള്‍ ഉല്‍പാദനം വര്‍ധിപ്പിച്ചതാണ് വില കുറയാന്‍ പ്രധാന കാരണം. ഇന്ത്യയടക്കമുള്ള പ്രധാനപ്പെട്ട എട്ടു രാജ്യങ്ങളെ ഇറാനില്‍ നിന്ന് എണ്ണ വാങ്ങുന്നതില്‍ തടയുന്നത് യു.എസ് ഒഴിവാക്കിയതും വില കുറയാന്‍ കാരണമായി.

ഇന്നത്തെ വില നിലവാരം

കൊച്ചി

പെട്രോള്‍: 80.94 രൂപ
ഡീസല്‍: 77.33 രൂപ

തിരുവനന്തപുരം

പെട്രോള്‍: 82.37 രൂപ
ഡീസല്‍: 78.82

കോഴിക്കോട്

പെട്രോള്‍: 81.29 രൂപ
ഡീസല്‍: 77.69 രൂപ


 

 

 


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.