2020 July 14 Tuesday
കോവിഡിനെതിരെ പ്രതിരോധം ശക്തമാക്കി ബഹ്റൈന്‍; രാജ്യത്ത് പരീക്ഷണാടിസ്ഥാനത്തില്‍ ഇനി പ്ലാസ്മ ചികിത്സയും

ബഹ്‌റൈനിലെ ഇന്ത്യന്‍ വനിതാ കൂട്ടായ്മ ഗിന്നസ് സര്‍ട്ടിഫിക്കറ്റ് നേടി

ബഹ്‌റൈനില്‍ വെച്ച് ഇന്ത്യന്‍ അംബാസിഡറില്‍ നിന്ന് ഇന്ത്യന്‍ വനിതാകൂട്ടായ്മ അംഗങ്ങള്‍ സര്‍ട്ടിഫിക്കറ്റ് സ്വീകരിച്ചപ്പോള്‍

ഉബൈദുല്ല റഹ്മാനി

മനാമ: ബഹ്‌റൈനിലെ ഇന്ത്യന്‍ വനിതകളുടെ കൂട്ടായ്മയായ മദര്‍ ഇന്ത്യ ക്രോഷെത് ക്യൂന്‍സ് (എം.ഐ.സി.ക്യു) അംഗങ്ങളായ വനിതകള്‍ ലോക ഗിന്നസ് സര്‍ട്ടിഫിക്കറ്റുകള്‍ കരസ്ഥമാക്കി.

അലങ്കാര തുന്നല്‍ ശില്‍പ്പങ്ങളുടെ ശേഖരണത്തിലൂടെയാണ് ഇന്ത്യന്‍ വനിതകള്‍ നേതൃത്വം നല്‍കുന്ന ലോക ഗിന്നസ് റിക്കോര്‍ഡ് കരസ്ഥമാക്കിയത്.

2107 നവംബര്‍ 10ന് മദര്‍ ഇന്ത്യ ക്രോഷെത് ക്യൂന്‍സിയുടെ നേതൃത്വത്തില്‍ റാംലി മാളില്‍ നടന്ന അലങ്കാരത്തുന്നല്‍ ശില്‍പ്പങ്ങളുടെ 24 മണിക്കൂര്‍ പ്രദര്‍ശനമാണ് ഗിന്നസില്‍ ഇടം പിടിച്ചത്. ഗിന്നസ് അധികൃതരെത്തി വിശദാംശങ്ങള്‍ ശേഖരിച്ചിരുന്നു.

ഇന്ത്യന്‍ വനിതകളായ ഡോ.:ആശാറാണി, അശ്വിനി ഭസ്മാത്കര്‍, അശ്വിനി ഗോവിന്ദ മുന്‍ഗിളിമാനെ, അശ്വിനി ഗോവിന്ദ മുന്‍ഗിളിമാനെ, ദര്‍ശന റഷ്മിന്‍ ഉദേശി, ഹറിനി മുകുന്ദ്, മല്ലിക ബ്ലെസീന, പ്രജക്ത ഖെദ്കര്‍, പ്രിയ സേതുരാമന്‍ തുടങ്ങിയവരടങ്ങുന്ന സംഘത്തിനാണ് ഗിന്നസ് സര്‍ട്ടിഫിക്കറ്റ് ലഭിച്ചത്.

കഴിഞ്ഞ ദിവസം ബഹ്‌റൈനിലെ ഇന്ത്യന്‍ എംബസിയില്‍ നടന്ന ചടങ്ങില്‍ ഇന്ത്യന്‍ അംബാസഡര്‍ അലോക്കുമാര്‍ സിന്‍ഹയില്‍ നിന്നാണ് വനിതകള്‍ സര്‍ട്ടിഫിക്കറ്റ് ഏറ്റുവാങ്ങിയത്.


 

 

 

 


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.