2019 April 23 Tuesday
പുറമെ നിന്ന് അടിച്ചേല്‍പിക്കാവുന്ന ഒന്നല്ല ജനാധിപത്യം എന്നത്. അത് ഉള്ളില്‍ നിന്നുതന്നെ വരേണ്ടതാണ് -മഹാത്മാഗാന്ധി

പ്രളയബാധിതരായ 2,47,566 കുടുംബങ്ങള്‍ക്ക് 10,000 രൂപ അനുവദിച്ചുവെന്ന് മുഖ്യമന്ത്രി

തിരുവനന്തപുരം: പ്രളയബാധിതരായവര്‍ക്കുള്ള അടിയന്തര ധനസഹായമായി 247.566 കോടി രൂപ വിതരണം ചെയ്തുവെന്ന് മുഖ്യമന്ത്രി പിണറായി വിജയന്‍ അറിയിച്ചു.

പ്രളയബാധിതരായ 2,47,566 കുടുംബങ്ങള്‍ക്ക് സമാശ്വാസമായി 10,000 രൂപ അനുവദിച്ചു കഴിഞ്ഞു. മുഖ്യമന്ത്രിയുടെ ദുരിതാശ്വാസനിധിയില്‍ നിന്ന് 6200 രൂപയും ദുരന്തപ്രതികരണ നിധിയില്‍ നിന്ന് 3800 രൂപയും ചേര്‍ത്താണ് 10,000 രൂപ നല്‍കിയത്. ഇതിനു പുറമെ ദുരന്തപ്രതികരണ നിധിയില്‍ നിന്ന് 3800 രൂപ വീതം 87,514 കുടുംബങ്ങള്‍ക്ക് നല്‍കിയിട്ടുണ്ട്.

തൃശ്ശൂര്‍, മലപ്പുറം ജില്ലകളിലൊഴികെ പ്രളയ ദുരിത ബാധിതര്‍ക്ക് കിറ്റ് വിതരണവും പൂര്‍ത്തിയായി. ആലപ്പുഴ ജില്ലയില്‍ 1,58,503 കിറ്റും എറണാകുളത്ത് 2,27,769 കിറ്റും വിതരണം ചെയ്തു. തൃശ്ശൂരില്‍ 1,01,938 കിറ്റുകളാണ് നല്‍കിയത്. 3,355 കിറ്റുകള്‍ വിതരണം ചെയ്യാന്‍ ബാക്കിയുണ്ട്. മലപ്പുറത്ത് 26,430 കിറ്റുകള്‍ വിതരണം ചെയ്തു. 11,301 കിറ്റുകള്‍ വിതരണം ചെയ്യാനുണ്ട്. ബാക്കിയുളള കിറ്റുകള്‍ ഉടന്‍ വിതരണം ചെയ്യുമെന്നും മുഖ്യമന്ത്രി അറിയിച്ചു.


 

 

 


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.