2019 June 20 Thursday
കുറഞ്ഞ ഗുണത്തിനു നന്ദി ചെയ്യാത്തവന്‍ അധിക ഗുണങ്ങള്‍ക്കും നന്ദി ചെയ്യുകയില്ല. ജനങ്ങളോട് നന്ദി ചെയ്യാത്തവര്‍ക്ക് അല്ലാഹുവിനോടും നന്ദിയുണ്ടാവുകയില്ല -മുഹമ്മദ് നബി(സ)

യോഗ്യതയില്ലാതെ യോഗി

ന്യൂഡല്‍ഹി: യോഗി തെരഞ്ഞെടുപ്പ് പ്രചരണത്തിനെത്തിയ ഇടങ്ങളിലെല്ലാം ബിജെപിക്ക് വന്‍തിരിച്ചടി. ഉത്തര്‍പ്രദേശ് മുഖ്യമന്ത്രി യോഗി ആദിത്യനാഥ് എത്തിയസ്ഥലങ്ങളിലെല്ലാം ബിജെപിയെ കൈവിട്ടതായിട്ടാണ് കണക്ക്.

വോട്ട് ധ്രുവീകരണം സുഗമമാക്കുന്ന തരത്തിലുള്ള പ്രസംഗങ്ങളാണ് യോഗി പയറ്റിയിരുന്നത്. യോഗി പ്രധാനമായും 63 മണ്ഡലങ്ങളിലാണ് പ്രചരണം നടത്തിയിരുന്നത്. മധ്യപ്രദേശ,് രാജസ്ഥാന്‍, ഛത്തീസ്ഗഡ് എന്നീ സംസ്ഥാനങ്ങളിലായി 63 മണ്ഡലങ്ങളിലാണ് യോഗി പ്രചരണം നയിച്ചത്. 2013 ല്‍ 16 സീറ്റില്‍ വിജയിച്ച ഛത്തീസ്ഗഡില്‍ 8 സീറ്റുകളുടെ കുറവാണ് ബി.ജെ.പിക്ക് നേരിട്ടത്. മധ്യപ്രദേശില്‍ യോഗിയെത്തിയ 13 സീറ്റുകളില്‍ 5 എണ്ണത്തില്‍ മാത്രമാണ് ബിജെപിക്ക് മുന്‍തൂക്കം ഉള്ളത്.

രാജസ്ഥാനില്‍ യോഗിയെത്തിയ 26 മണ്ഡലങ്ങളില്‍ 13 സ്ഥലങ്ങളില്‍ മാത്രമാണ് മുന്‍തൂക്കം ഉണ്ടാക്കാന്‍ സാധിച്ചത്. മുഖ്യമന്ത്രിയുടെ ജാതി പരാമര്‍ശത്തിനെതിരെ പാര്‍ട്ടിയില്‍ തന്നെ വിമര്‍ശനങ്ങള്‍ ഉയര്‍ന്നിരുന്നു. മുതിര്‍ന്ന പാര്‍ട്ടി അംഗങ്ങളും പാര്‍ട്ടി വിടുന്ന സംഭവങ്ങളും ഉണ്ടായി.


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.