2019 August 24 Saturday
സുഹൃത്തുക്കളോടു നന്നായി പെരുമാറുക; അവര്‍ നിങ്ങളോടു കൂടുതല്‍ അടുക്കും. ശത്രുക്കളോടും നന്നായി പെരുമാറുക;അവരെ നേടാന്‍ നിങ്ങള്‍ക്കു കഴിയും.

ന്യൂസിലന്‍ഡിനെ 238 റണ്‍സില്‍ വരിഞ്ഞുകെട്ടി പാക്കിസ്ഥാന്‍

ബര്‍മിങ്ഹാം: ലോകക്കപ്പ് ക്രിക്കറ്റില്‍ ന്യൂസിലന്‍ഡ് ബാറ്റ്‌സ്മാന്‍മാരെ 238 റണ്‍സില്‍ വരിഞ്ഞുകെട്ടി പാക് ബൗളര്‍മാര്‍. ടോസ് അനുകൂലമായതോടെ ബാറ്റിങ് തെരഞ്ഞെടുത്ത ന്യൂസിലന്‍ഡിന്റെ ആറു വിക്കറ്റ് വീഴ്ത്തിയാണ് പാക്കിസ്ഥാന്‍ താരതമ്യേന കുറഞ്ഞ സ്‌കോറില്‍ ഒതുക്കിയത്. ആറാം വിക്കറ്റില്‍ ജിമ്മി നീഷാം 97(112), കോളിന്‍ ഡി ഗ്രാന്‍ഡ്‌ഹോം 64(71) എന്നിവര്‍ ചേര്‍ന്നെടുത്ത സെഞ്ച്വറി കൂട്ടുകെട്ടാണ് ന്യൂസിലന്‍ഡിനെ അല്‍പമെങ്കിലും ഭേദപ്പെട്ട സ്‌കോറിലെത്തിച്ചത്. ക്യാപ്റ്റന്‍ കെയ്ന്‍ വില്യംസണ്‍ 69 പന്തില്‍ നിന്നും 41 റണ്‍സെടുത്ത് പുറത്തായി. ഓപണര്‍, കോളിന്‍ മണ്‍റോ, റോസ് ടെയിലര്‍, ടോം ലാതം എന്നിവരുടെ വിക്കറ്റ് വീഴ്ത്തിയ ഷാഹിന്‍ അഫ്രീദിയാണ് ന്യൂസിലന്‍ഡിന് ഏറെ പ്രതിസന്ധി സൃഷ്ടിച്ചത്. 10 ഓവര്‍ പൂര്‍ത്തിയാക്കിയ അഫ്രിദി 28 റണ്‍സ് മാത്രം വിട്ട് നല്‍കിയാണ് മൂന്ന് വിക്കറ്റ് നേടിയത്. തുടക്കത്തില്‍ 43 റണ്‍സെടുക്കുന്നതിനിടെ 4 വിക്കറ്റ് നഷ്ടപ്പെട്ട ന്യൂസിലന്‍ഡ് പതുക്കെ കരകയറുകയായിരുന്നു. പാക്കിസ്ഥാനെതിരായ മത്സരം കൂടി ജയിച്ചാല്‍ ന്യൂസിലന്‍ഡിന് സെമി ബര്‍ത്ത് ഉറപ്പിക്കാം. അതേസമയം ആറു മത്സരങ്ങളില്‍ നിന്ന് അഞ്ച് പോയിന്റെ മാത്രമുള്ള പാക്കിസ്ഥാന് മറ്റ് ടീമുകള്‍ തമ്മിലുള്ള മത്സരഫലവും ഭാവി തീരുമാനിക്കുന്നതില്‍ നിര്‍ണായകമാകും.


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.

Latest News