2019 September 22 Sunday
സത്യാന്വേഷിയുടെ ആത്മീയ അന്വേഷണത്തിന്റെ ഭാഗമാണ് നിശബ്ദത

കര്‍ണാടകയില്‍ 22,000 സ്വകാര്യ ഡോക്ടര്‍മാര്‍ നാളെ മുതല്‍ പണിമുടക്കിലേക്ക്

 

ബംഗളൂരു: നിരവധി ആവശ്യങ്ങള്‍ ഉന്നയിച്ച് കര്‍ണാടകയില്‍ നാളെ മുതല്‍ 22,000 സ്വകാര്യ ഡോക്ടര്‍മാര്‍ പണിമുടക്ക് സമരം ആരംഭിക്കും. 600 സ്വകാര്യ ആശുപത്രികള്‍ അടച്ചിട്ടു പ്രതിഷേധിക്കുമെന്ന് പ്രൈവറ്റ് ഹോസ്പിറ്റല്‍സ് ആന്റ് നഴ്‌സിങ് ഹോംസ് അസോസിയേഷന്‍ പ്രസിഡന്റ് ഡോ. സി ജയന്ന പറഞ്ഞു.

തങ്ങളുടെ നാല് ആവശ്യങ്ങള്‍ അംഗീകരിക്കുന്നതു വരെ ഒ.പി അടക്കം എല്ലാ ചികിത്സയും നിര്‍ത്തിവയ്ക്കുമെന്നും അദ്ദേഹം പറഞ്ഞു.

കര്‍ണാടക സര്‍ക്കാര്‍ കൊണ്ടുവരുന്ന പ്രൈവറ്റ് മെഡിക്കല്‍ എസ്റ്റാബ്ലിഷ്‌മെന്റ് (ഭേദഗതി) ബില്‍ പാസാക്കുന്നതിനെതിരെയാണ് പ്രധാനമായും സമരം. ബില്ലില്‍ പറയുന്ന നാല് തര്‍ക്കവിഷയങ്ങള്‍ ഒഴിവാക്കണമെന്നാണ് ആവശ്യം.

സ്വകാര്യ മെഡിക്കല്‍ സ്ഥാപനങ്ങള്‍ക്ക് നിയന്ത്രണമേര്‍പ്പെടുത്തുകയെന്ന ലക്ഷ്യത്തോടെയാണ് 2007 ല്‍ കര്‍ണാടക പ്രൈവറ്റ് മെഡിക്കല്‍ എസ്റ്റാബ്ലിഷ്‌മെന്റ് ആക്ട് പാസാക്കിയത്. എന്നാല്‍ ഈ ആക്ടിന് പല്ലില്ലെന്ന വിശേഷണം വന്നതോടെയാണ് ഭേദഗതി ചെയ്യാന്‍ സര്‍ക്കാര്‍ തീരുമാനിച്ചത്. ചികിത്സാ ചെലവുകളില്‍ അടക്കം നിയന്ത്രണം വരുത്തിയാണ് പുതിയ ബില്‍ സര്‍ക്കാര്‍ പാസാക്കാനൊരുങ്ങുന്നത്.


 

 

 


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.