2018 September 24 Monday
ലോകത്തെ മാറ്റിമറിക്കാന്‍ ഇറങ്ങുന്നവര്‍ ആദ്യം സ്വയം മാറ്റിമറിക്കട്ടെ
സോക്രട്ടീസ്

2021ല്‍ ഒ.ബി.സിക്കാരുടെ പ്രത്യേക കണക്കെടുക്കുമെന്ന് ആഭ്യന്തര മന്ത്രാലയം

ന്യൂഡല്‍ഹി: ദേശീയ പൗരത്വ രജിസ്റ്ററുമായി അസം സര്‍ക്കാര്‍ മുന്നോട്ടുപോകുന്നതിനു പിന്നാലെ കേന്ദ്ര സര്‍ക്കാര്‍ രാജ്യത്തെ പിന്നോക്ക വിഭാഗ (ഒ.ബി.സി)ക്കാരുടെ കണക്കെടുക്കുന്നു.
2021ലെ ജനസംഖ്യ സെന്‍സസിലാണ് രാജ്യത്ത് ആദ്യമായി ഇത്തരമൊരു സര്‍വേക്ക് നീക്കം നടത്തുന്നത്. ഇന്നലെ കേന്ദ്ര ആഭ്യന്തര മന്ത്രി രാജ്‌നാഥ് സിങാണ് ഇക്കാര്യം അറിയിച്ചത്.
സെന്‍സസുമായി ബന്ധപ്പെട്ട കാര്യങ്ങള്‍ രജിസ്ട്രാര്‍ ജനറല്‍, സെന്‍സസ് കമ്മിഷനര്‍ എന്നിവരുമായി രാജ്‌നാഥ് സിങ് ചര്‍ച്ച നടത്തി. മൂന്ന് വര്‍ഷത്തിനുള്ളില്‍ പൂര്‍ണ വിവരങ്ങള്‍ തയാറാക്കാനാണ് തീരുമാനം.
നിലവില്‍ ഏഴുമുതല്‍ എട്ടുവര്‍ഷം വരെ എടുത്തിട്ടാണ് നടപടികള്‍ പൂര്‍ത്തികരിക്കാറുള്ളത്.
വീടുകളുടെ കണക്കെടുപ്പിന് ഭൂപടങ്ങള്‍, ജിയോ റഫറന്‍സിങ് തുടങ്ങിയ കാര്യങ്ങളും പരിഗണിക്കുന്നുണ്ട്. വിവര ശേഖരണത്തിനായി 25 ലക്ഷം പേരെ നിയോഗിക്കുമെന്നും ആഭ്യന്തര മന്ത്രാലയം അറിയിച്ചു.


കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.