2020 July 14 Tuesday
കോവിഡിനെതിരെ പ്രതിരോധം ശക്തമാക്കി ബഹ്റൈന്‍; രാജ്യത്ത് പരീക്ഷണാടിസ്ഥാനത്തില്‍ ഇനി പ്ലാസ്മ ചികിത്സയും

2016ല്‍ വെസ്റ്റ് ബാങ്കില്‍ 2,630 അനധികൃത നിര്‍മാണം നടത്തിയെന്ന് റിപ്പോര്‍ട്ട്

വെസ്റ്റ്ബാങ്ക്: 2016ല്‍ ഇസ്രാഈല്‍ വെസ്റ്റ് ബാങ്കില്‍ 2,630 അനധികൃത നിര്‍മാണം നടത്തിയെന്ന് റിപ്പോര്‍ട്ട്. അനധികൃത കുടിയേറ്റത്തിനെതിരെ ലോകമെങ്ങും പ്രതിഷേധമുയരുന്നതിനിടെ ഇസ്രാഈല്‍ സെന്‍ട്രല്‍ ബ്യൂറോ ഓഫ് സ്റ്റാറ്റിക്‌സ് ആണ് കണക്ക് പുറത്തു വിട്ടത്. 2015ലേതിനേക്കാള്‍ 40 ശതമാനം വര്‍ധനവ് നിര്‍മാണത്തില്‍ ഉണ്ടായതായും റിപ്പോര്‍ട്ടില്‍ പറയുന്നു.

15 വര്‍ഷത്തിനിടെയുണ്ടായ കുടിയേറ്റ നിര്‍മാണത്തില്‍ രണ്ടാമതാണിത്. 2013ലാണ് ഏറ്റവും കൂടുതല്‍ അനധികൃത നിര്‍മാണമുണ്ടായത്. 2,874 വീടുകളാണ് അന്ന് നിര്‍മിച്ചിരുന്നത്.

ഈ മാസം ആദ്യത്തില്‍ അനധികൃത കുടിയേറ്റങ്ങള്‍ വ്യാപിപ്പിക്കാനുള്ള വിവാദ ബില്ലിന് ഇസ്രഈല്‍ അംഗീകാരം നല്‍കിയിരുന്നു. വെസ്റ്റ് ബാങ്ക് ഉള്‍പ്പെടെയുള്ള ഫലസ്തീന്‍ ഭൂമിയിലെ കുടിയേറ്റങ്ങള്‍ അവസാനിപ്പിക്കണമെന്ന് യു.എന്‍ പ്രമേയം അവഗണിച്ചാണ് ഇസ്രാഈലിന്റെ നടപടി.


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.