2019 October 19 Saturday
ഏറ്റവും വലിയ പാപം ഞാന്‍ കഴിവുകെട്ടവനാണ് എന്ന വിചാരമാണ്.

ആകാശച്ചുഴിയില്‍ ആടിയുലഞ്ഞ് കൊച്ചി- തിരു എയര്‍ ഇന്ത്യ; രണ്ടു ജീവനക്കാര്‍ക്ക് പരുക്ക്, വിമാനത്തിന് കേടുപാട്, ഒരാഴ്ചയ്ക്കിടെ ഇത് രണ്ടാമത്തെ അപകടം

ന്യൂഡല്‍ഹി: 172 യാത്രക്കാരുമായി പറക്കുകയായിരുന്ന കൊച്ചി- തിരുവനന്തപുരം എയര്‍ ഇന്ത്യ വിമാനം ആകാശച്ചുഴിയില്‍ ആടിയുലഞ്ഞു. വിമാനത്തിലെ രണ്ടു ജീവനക്കാര്‍ പരുക്കേറ്റു. വിമാനത്തിന് ചെറിയ കേടുപാടു പറ്റിയെങ്കിലും അതു പരിഹരിച്ച് വിമാനം തിരുവവനന്തപുരത്തേക്കു തന്നെ പറക്കുകയായിരുന്നു. ശനിയാഴ്ചയായിരുന്നു ഈ അപകടം.

എ 1467 എയര്‍ഇന്ത്യ വിമാനമാണ് ശനിയാഴ്ച അപകടത്തില്‍പ്പെട്ടത്. ഇതേത്തുടര്‍ന്ന് കൊച്ചിയില്‍ തന്നെ തിരിച്ചിറക്കിയ വിമാനം രണ്ടുമണിക്കൂറിനു ശേഷമാണ് തിരുവനന്തപുരത്തേക്കു പോയത്.

ഒരാഴ്ചയ്ക്കിടെ രണ്ടാമത്തെ അപകടമാണ് സമാന രീതിയിലുണ്ടായത്. സെപ്റ്റംബര്‍ 17ന് ഡല്‍ഹി- വിജയവാഡ എയര്‍ ഇന്ത്യയും ആകാശച്ചുഴിയില്‍പ്പെട്ടിരുന്നു. അന്ന് 174 യാത്രക്കാരാണ് വിമാനത്തില്‍ ഉണ്ടായിരുന്നത്. ഭക്ഷണ ട്രേകള്‍ നിലത്തുവീണു കിടക്കുന്നതും ജീവനക്കാരെ ശുശ്രൂഷിക്കുന്നതുമായ ചിത്രങ്ങള്‍ പുറത്തുവന്നിരുന്നു.


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.