2019 August 22 Thursday
തെറ്റു ചെയ്യുന്നവന്‍ മനുഷ്യനാണ്; അതിനെക്കുറിച്ചോര്‍ത്തു ദു:ഖിക്കുന്നവന്‍ മഹര്‍ഷിയാണ്; എന്നാല്‍ അതില്‍ അഭിമാനം കൊള്ളുന്നവന്‍ പിശാചാണ്.

റാലി നടത്തണോ: 19 നിര്‍ദേശങ്ങള്‍ പാലിക്കണമെന്ന് രാഹുല്‍ ഗാന്ധിയോട് മധ്യപ്രദേശ്

ഭോപ്പാല്‍: ബി.ജെ.പി ഭരിക്കുന്ന മധ്യപ്രദേശില്‍ കോണ്‍ഗ്രസ് അധ്യക്ഷന്‍ രാഹുല്‍ ഗാന്ധിയുടെ റാലി നടത്താനുള്ള അനുമതിക്കായി മുന്‍പോട്ടുവച്ചത് 19 നിര്‍ദേശങ്ങള്‍. ജൂണ്‍ ആറിന് മാന്‍ഡ്‌സോറിലാണ് രാഹുലിന്റെ റാലി നടക്കുന്നത്. കഴിഞ്ഞവര്‍ഷം നടന്ന കര്‍ഷക പ്രക്ഷോഭത്തിനു നേരെ ഇവിടെ വെടിവയ്പ്പുണ്ടാവുകയും അഞ്ച് കര്‍ഷകര്‍ കൊല്ലപ്പെടുകയും ചെയ്തിരുന്നു.

മല്‍ഹര്‍ഗഢ് സബ്ഡിവിഷണല്‍ ഓഫിസറാണ് റാലിക്ക് നിബന്ധനകള്‍ തയ്യാറാക്കിയത്. റാലിയില്‍ ഡിജെ സിസ്റ്റം ഉപയോഗിക്കരുതെന്ന നിര്‍ദേശമുണ്ട്. വിവാദ പരമാര്‍ശങ്ങള്‍ പ്രസംഗങ്ങളില്‍ ഉണ്ടാകാന്‍ പാടില്ല.

റാലിക്ക് വേണ്ടി കെട്ടേണ്ട ടെന്റിന്റെ അളവ് പോലും നിര്‍ദേശത്തില്‍ വ്യക്തമാക്കുന്നുണ്ട്. ടെന്റിന് നീളം വീതി 15 അടിയില്‍ കൂടുതല്‍ പാടില്ലെന്നും നിബന്ധനയില്‍ പറഞ്ഞിട്ടുണ്ട്. മഴ പോലുള്ള സാഹചര്യങ്ങളെ നേരിടാന്‍ വേണ്ട തയ്യാറെടുപ്പുകള്‍ കൈക്കൊള്ളണമെന്നു പറയുന്ന നിര്‍ദേശത്തില്‍ പാര്‍ക്കിങ് സൗകര്യങ്ങള്‍ക്കും കറണ്ട്, വെള്ളം എന്നിവക്കും നിബന്ധനകള്‍ ഏര്‍പ്പെടുത്തിയിട്ടുണ്ട്.

റാലി നടക്കുന്ന സ്ഥലത്ത് ഗതാഗത തടസങ്ങള്‍ സൃഷ്ടിക്കരുതെന്നും പരിപാടിക്കിടയില്‍ എന്തെങ്കിലും മോഷണം പോയാല്‍ ഉത്തരവാദിത്വം സംഘാടകര്‍ ഏറ്റെടുക്കണമെന്നും ഓഫിസര്‍ പുറപ്പെടുവിച്ച നിബന്ധനകളില്‍ പറയുന്നു.


 

 

 


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.