2017 November 21 Tuesday
ജീവിത ഭയത്തില്‍ നിന്നാണ് മരണ ഭയമുണ്ടാകുന്നത്. പൂര്‍ണനായി ജീവിക്കുന്ന മനുഷ്യന്‍ ഏത് നേരത്തും മരിക്കാന്‍ തയാറായിരിക്കും.
മാര്‍ക് ടൈ്വന്‍

ഹജ്ജ്‌ തീര്‍ഥാടനവുമായി ബന്ധപ്പെട്ട് സഊദിയുമായി ചര്‍ച്ചകള്‍ക്കു തയാറാണെന്ന് ഇറാന്‍

ജിദ്ദ: ഹജ്ജ്‌ തീര്‍ഥാടനവുമായി ബന്ധപ്പെട്ട് സഊദിയുമായി ചര്‍ച്ചകള്‍ക്കു തയാറാണെന്ന് ഇറാന്‍ അറിയിച്ചു. 2015ല്‍ മിനായില്‍ തിക്കിലും തിരക്കിലും പെട്ട് 2,426 പേര്‍ മരിക്കാനിടയായ സംഭവത്തെ തുടര്‍ന്ന് കഴിഞ്ഞ വര്‍ഷം ഇറാന്‍ ഹജ്ജ്‌
തീര്‍ഥാടനത്തില്‍നിന്നു മാറിനിന്നിരുന്നു.

അപകടത്തില്‍ മരിച്ചവരില്‍ കൂടുതല്‍പേരും ഇറാനില്‍ നിന്നുള്ളവരായിരുന്നു. പിന്നീട് സഊദിയില്‍ ഷിയ പണ്ഡിതന്‍ വധശിക്ഷയ്ക്കു വിധേയനായതിനെച്ചൊല്ലിയുണ്ടായ അക്രമ സംഭവങ്ങളുടെ പേരില്‍ ഇറാനുമായുള്ള നയതന്ത്ര ബന്ധം സഊദി വിച്ഛേദിച്ചിരുന്നു. ഹജ്ജ്‌ ചര്‍ച്ചകള്‍ക്കായി മറ്റ് ഇസ്‌ലാമിക രാഷ്ട്രങ്ങള്‍ക്കെന്ന പോലെ ഇറാനും സഊദിയുടെ ക്ഷണം ലഭിച്ചതായി ഇറാന്‍ അധികൃതര്‍ വ്യക്തമാക്കി.

 


 


കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.