2019 March 23 Saturday
ആത്മാവിനെ ആയുധങ്ങള്‍ മുറിവേല്‍പ്പിക്കുന്നില്ല അഗ്നി ദഹിപ്പിക്കുന്നില്ല. ജലം നനയ്ക്കുന്നില്ല. കാറ്റ് ഉണക്കുന്നുമില്ല. -ഭഗവത്ഗീത

100 ദിന കര്‍മപദ്ധതികളുമായി ട്രംപ്

വിര്‍ജീനിയ: പ്രസിഡന്റ് തെരഞ്ഞെടുപ്പില്‍ നേട്ടമുണ്ടാക്കാന്‍ ട്രംപ് പ്രചാരണത്തില്‍ അടവു മാറ്റുന്നു. പ്രസിഡന്റായാല്‍ ആദ്യ 100 ദിനം ചെയ്യാന്‍ ഉദ്ദേശിക്കുന്ന കാര്യങ്ങളാണ് ട്രംപ് മുന്നോട്ടുവയ്ക്കുന്നത്. ഇതിനായി കര്‍മപരിപാടി അവതരിപ്പിച്ചു. ഈ കാലത്തിനകം കാതലായ മാറ്റങ്ങള്‍ കൊണ്ടുവരുമെന്നാണ് ട്രംപ് അവകാശപ്പെടുന്നത്.
അനധികൃത കുടിയേറ്റത്തിനു പരിഹാരം കാണുമെന്നതാണ് പ്രധാന വാഗ്ദാനം. 10 വര്‍ഷത്തിനകം 25 ദശലക്ഷം തൊഴില്‍ അവസരങ്ങള്‍, വൈറ്റ്ഹൗസ് ജീവനക്കാരുടെ പെരുമാറ്റച്ചട്ടം, കാലാവസ്ഥാ കരാറുകളിലെ പൊളിച്ചെഴുത്ത്, കോണ്‍ഗ്രസിലേക്ക് മത്സരിക്കുന്നതില്‍ പരിധി നിശ്ചയിക്കല്‍ തുടങ്ങിയവയാണ് പ്രധാന പരിപാടികള്‍.
അതിനിടെ ഇന്ത്യക്കാരുടെ വോട്ടില്‍ കണ്ണുംനട്ട് ട്രംപിന്റെ മകള്‍ ഇവാന്‍ക ദീപാവലിക്ക് ക്ഷേത്രസന്ദര്‍ശനം നടത്തും. യു.എസ് തെരഞ്ഞെടുപ്പിന് രണ്ടാഴ്ച മാത്രം ശേഷിക്കെ ഇരു വിഭാഗത്തിന്റേയും പ്രചാരണം ശക്തിപ്പെട്ടിട്ടുണ്ട്.
പെന്‍സില്‍വാനിയയില്‍ ഡെമോക്രാറ്റിക് സ്ഥാനാര്‍ഥി ഹിലരി ക്ലിന്റന്റെ പ്രചാരണയോഗവും നടന്നു.


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.