2019 June 20 Thursday
കുറഞ്ഞ ഗുണത്തിനു നന്ദി ചെയ്യാത്തവന്‍ അധിക ഗുണങ്ങള്‍ക്കും നന്ദി ചെയ്യുകയില്ല. ജനങ്ങളോട് നന്ദി ചെയ്യാത്തവര്‍ക്ക് അല്ലാഹുവിനോടും നന്ദിയുണ്ടാവുകയില്ല -മുഹമ്മദ് നബി(സ)

കണ്ണൂര്‍ വിമാനത്താവളത്തില്‍ തലവേദനയായി കുറുക്കന്‍മാര്‍

കണ്ണൂര്‍: കണ്ണൂര്‍ വിമാനത്താവളത്തില്‍ അധികൃതര്‍ക്ക് തലവേദനയായി കുറുക്കന്മാര്‍. റണ്‍വേയിലെ വെള്ളംപുറത്തേക്ക് ഒഴുക്കാനായി സ്ഥാപിച്ച പൈപ്പിലൂടെ അകത്തെത്തിയ ആറ് കുറുക്കന്മാരെ പുറത്തെത്തിക്കാനുള്ള ശ്രമത്തിലാണ് വിമാനത്താവള അധികൃതരിപ്പോള്‍. കൂടുതല്‍ കുറുക്കന്മാര്‍ അകത്ത് കടക്കാനായി പൈപ്പിന് നെറ്റ് കെട്ടിയിട്ടുണ്ട്. ഇതോടെ അകത്തുകടന്നവയ്ക്ക് പുറത്തെത്താന്‍ വഴിയില്ലാതായി.

കുറുക്കന്മാര്‍ റണ്‍വേയില്‍ കയറിയതിനെതുടര്‍ന്ന് വ്യവസായി എം.എ. യൂസഫലിയുടെ വിമാനം എട്ട് മിനിറ്റ് വൈകിയാണ് ഇന്നലെ ലാന്‍ഡ് ചെയ്തത്.

വിമാനത്താവളത്തിന്റെ ഉദ്ഘാടനത്തിനായി എത്തിയതാണ് യൂസഫലി. കൊച്ചിയില്‍ നിന്ന് 8:07നാണ് യൂസഫലിയുടെ സ്വകാര്യ വിമാനം പുറപ്പെട്ടത്. എട്ടേ മുക്കാലായിരുന്നു കണ്ണൂരിലെ ലാന്‍ഡിങ് സമയം. എന്നാല്‍ റണ്‍വേയിലേക്ക് ലാന്‍ഡ് ചെയ്യാനായി തുടങ്ങുന്നതിനിടയിലാണ് പൈലറ്റ് കുറുക്കനെ കണ്ടത്. തുടര്‍ന്ന് വീണ്ടും പറന്നുയര്‍ന്ന് വട്ടം കറങ്ങി എട്ടു മിനിറ്റിന് ശേഷം ലാന്‍ഡ് ചെയ്യുകയായിരുന്നു.

അതേസമയം, കോഴിയിറച്ചി നല്‍കിയും വലയിട്ടും ഇവയെ പിടികൂടാനുളള അധികൃതരുടെ ശ്രമങ്ങള്‍ ഫലം കണ്ടില്ല.


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.