2018 November 21 Wednesday
ജനങ്ങളേ, നിങ്ങള്‍ക്ക് നിങ്ങളുടെ നാഥനിങ്കലില്‍നിന്നുള്ള തത്വോപദേശങ്ങളും ശമനവും മാര്‍ഗദര്‍ശനവും സത്യവിശ്വാസികള്‍ക്ക് കാരുണ്യവും വന്നെത്തിയിരിക്കുന്നു

ഹോക്കി മാന്ത്രികനുള്ള സമ്മാനമായി ഇന്ത്യന്‍ ജയം

 

ജക്കാര്‍ത്ത: ഇന്ത്യയുടെ എക്കാലത്തെയും ഹോക്കി മാന്ത്രികനായ ധ്യാന്‍ ചന്ദിന്റെ 113ാം ജന്‍മവാര്‍ഷികമായിരുന്നു കഴിഞ്ഞ ദിവസം. ഈ ദിവസം ഇന്ത്യക്കാര്‍ ദേശീയ കായിക ദിനമായി ആചരിക്കുന്ന സമയത്ത് ഇന്ത്യന്‍ വനിതാ ഹോക്കി ടീം ഹോക്കിയില്‍ പുതിയൊരു ചരിത്രം രചിക്കുന്ന തിരക്കിലായിരുന്നു. ചൈനയെ തോല്‍പിച്ച് ഇന്ത്യന്‍ സംഘം ഏഷ്യന്‍ ഗെയിംസിന്റെ ഫൈനലില്‍ പ്രവേശിച്ചാണ് ധ്യാന്‍ ചന്ദിനോടുള്ള ആദരവ് പ്രകടിപ്പിച്ചത്.
20 വര്‍ഷത്തെ കാത്തിരിപ്പിനൊടുവിലാണ് ഇന്ത്യന്‍ വനിതാ ഹോക്കി സംഘം ഏഷ്യന്‍ ഗെയിംസിന്റെ ഫൈനലില്‍ പ്രവേശിക്കുന്നത്. ഫൈനലില്‍ ജപ്പാനെയാണ് ഇന്ത്യന്‍ സംഘം നേരിടുക. ടൂര്‍ണമെന്റിലുടനീളം ഇന്ത്യന്‍ വനതാ ടീം മികച്ച പ്രകടനം നടത്തിയിരുന്നു. ഗോള്‍ രഹിതമായിരുന്ന ആദ്യ പകുതിക്ക് ശേഷമായിരുന്നു ഇന്ത്യയുടെ ഗോള്‍ പിറന്നത്. കോര്‍ണറില്‍ നിന്ന് ഗുര്‍ജിത് സിങ്ങായിരുന്നു ഇന്ത്യക്ക് വേണ്ടി ഗോള്‍ നേടിയത്. ഇന്നലെ നടന്ന രണ്ടാം സെമി ഫൈനലില്‍ ദക്ഷിണ കൊറിയയെ 2-0 എന്ന സ്‌കോറിന് പരാജയപ്പെടുത്തിയായിരുന്നു ജപ്പാന്‍ ഫൈനലില്‍ പ്രവേശിച്ചത്. ഫൈനലിലെത്തിയതോടെ ഏഷ്യന്‍ ഗെയിംസില്‍ ഒരു ചരിത്ര മെഡല്‍ കാത്തിരിക്കുകയാണ് ഇന്ത്യന്‍ വനിതാ ഹോക്കി സംഘം.

 


കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.