2019 August 17 Saturday
തെറ്റു ചെയ്യുന്നവന്‍ മനുഷ്യനാണ്; അതിനെക്കുറിച്ചോര്‍ത്തു ദു:ഖിക്കുന്നവന്‍ മഹര്‍ഷിയാണ്; എന്നാല്‍ അതില്‍ അഭിമാനം കൊള്ളുന്നവന്‍ പിശാചാണ്.

ഹെയ്തിയില്‍ ‘മാത്യു’ നാശം വിതയ്ക്കുന്നു; മരണസംഖ്യ 850 കടന്നു

ഫ്‌ളോറിഡ: ഹെയ്തിയില്‍ ആഞ്ഞടിച്ച മാത്യു ചുഴിലക്കാറ്റില്‍ മരണസംഖ്യ 850 കടന്നതായി അധികൃതര്‍. ഇതോടെ ഫ്‌ളോറിഡയില്‍ അടിയന്തരാവസ്ഥ പ്രഖ്യാപിച്ചു. മണിക്കൂറില്‍ 140 കി.മീറ്റര്‍ വേഗതയാണ് ചുഴലിക്കാറ്റിനുള്ളത്. ജോര്‍ജിയ, സൗത്ത് കരോലീന, നോര്‍ത്ത് കരോലിന, എന്നിവിടങ്ങളില്‍ ചുഴലിക്കാറ്റ് വീശാന്‍ സാധ്യതയുണ്ടെന്നാണ് റിപ്പോര്‍ട്ട്. ഇതോടെ ദക്ഷിണപൂര്‍വ തീരവാസികളെ ദുരിതാശ്വാസകേന്ദ്രങ്ങളിലേക്ക് മാറ്റിപ്പാര്‍പ്പിച്ചു.

കൂടാതെ ഫ്‌ളോറിഡ, ജോര്‍ജിയ, സൗത്ത് കരോലിന എന്നിവിടങ്ങളിലായി ഇതിനോടകം 20 ലക്ഷത്തോളം ആളുകളെ മാറ്റിപ്പാര്‍പ്പിച്ചു. കാറ്റ് അടിക്കാന്‍ സാധ്യതയുള്ള പ്രദേശങ്ങളിലെല്ലാം ജാഗ്രതാ നിര്‍ദേശം നല്‍കിയിട്ടുണ്ട്. 12 വര്‍ഷങ്ങള്‍ക്കുശേഷം അമേരിക്കയില്‍ അടിക്കുന്ന ശക്തമായ കാറ്റാണ് മാത്യു. നാലാം ഗണത്തില്‍പ്പെട്ട അതിശക്തമായ കൊടുങ്കാറ്റ് വന്ന വഴികളിലെല്ലാം വന്‍ നാശമാണ് വിതച്ചത്.


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.