2020 July 13 Monday
കോവിഡിനെതിരെ പ്രതിരോധം ശക്തമാക്കി ബഹ്റൈന്‍; രാജ്യത്ത് പരീക്ഷണാടിസ്ഥാനത്തില്‍ ഇനി പ്ലാസ്മ ചികിത്സയും

ഹൃദയമിടിപ്പ് അളക്കാന്‍ ലേസര്‍വിദ്യ, പ്രോജക്റ്റര്‍; അമ്പരപ്പിച്ച് സാംസങ്ങ് ഗാലക്‌സി എസ് 8

ഹരികേഷ് മേനോന്‍

ഗാലക്‌സി നോട്ട് 7 ന്റെ അപ്രതീക്ഷിത പരാജയം ഒരു വലിയ ഷോക്കാണ് സാംസങ്ങ് കമ്പനിക്ക് നല്‍കിയത്. ഈ പരാജയത്തില്‍നിന്നു കരകയറാന്‍ പുതിയ ഫ്‌ളാഗ്ഷിപ് ഫോണുമായി കമ്പനി  വിപണിയിലെത്തുന്നു. ഡിസൈനിലും ഫീച്ചേര്‍സിലും അടിമുടി മാറ്റങ്ങളോടെയായിരിക്കും ഏറ്റവും പുതിയ ഗാലക്‌സി എസ് 8 അവതരിപ്പിക്കപ്പെടുക.

മുന്‍ഗാമികളായ ഗാലക്‌സി എസ് 7 നിലും എസ് 7 എഡ്ജിലും ഉള്ളതിനേക്കാള്‍ കൂടുതല്‍ പ്രത്യേകതകള്‍ എസ് 8 ലുണ്ടാകും. സാംസങ്ങിന്റെ സ്വന്തം  Exynos 8895 പ്രോസസ്സറായിരിക്കും എസ് 8 നു ശക്തി പകരുക. 3GHz ക്ലോക്ക് സ്പീഡിലുള്ള ഈ പ്രോസസറിനു മുന്‍ഗാമികളേക്കാള്‍ 30% പ്രവര്‍ത്തനമികവുണ്ടായിരിക്കും. നിലവിലുള്ള ഫ്‌ലാറ്റ് സ്‌ക്രീനില്‍നിന്നു വ്യത്യസ്തമായി കര്‍വ്ഡ് ഡിസൈനിലായിരിക്കും എസ് 8 എത്തുക.

s8-render-570

ബോഡിയും സ്‌ക്രീനും തമ്മിലുള്ള അനുപാതം ഇതുവരെയുള്ളതില്‍ ഏറ്റവും കുറഞ്ഞ എഡ്ജ് ടു എഡ്ജ് ഡിസ്‌പ്ലേയായിരിക്കും ഉണ്ടാകുക. 4K (2160×3840 പിക്‌സല്‍) റെസലൂഷനോടു കൂടിയ 5.2 ഇഞ്ച് സ്‌ക്രീനായിരിക്കും എസ് 8 ന്റെത്.

ഫോണിന്റെ പിറകില്‍ മുകള്‍ഭാഗത്തായി ഒരു പ്രോജക്റ്റര്‍ ഉണ്ടാവാനുള്ള സാധ്യതയുണ്ട്. കൂടാതെ ഹൃദയമിടിപ്പ് അളക്കാനായി ഒരു ലേസര്‍ കൂടി ഫോണില്‍ ഉണ്ടായിരിക്കും. ശരീരത്തില്‍ ചേര്‍ത്തുവച്ചാല്‍ ത്വക്കിലൂടെ കടന്നുചെന്ന് രക്തധമനികളുടെ മിടിപ്പ് മനസിലാക്കിയായിരിക്കും ലേസര്‍ ഹൃദയമിടിപ്പ് അളക്കുക.

 

https://www.youtube.com/watch?v=2d5eRjkDXCA

DSLR ക്യാമറകളില്‍ കാണുന്ന CMOS സെന്‍സറോഡു കൂടിയ 21 MP യോ 24 MP യോ ഉള്ളതാവും മുഖ്യ ക്യാമറ.  8 MP ആയിരിക്കും ഫ്രണ്ട് ക്യാമറ. ഐഫോണ്‍ 7 നിലേതു പോലെ  3.5 mm ഹെഡ്ജാക്ക് ഒഴിവാക്കിയായിരിക്കും എസ് 8 എത്തുക എന്നതാണ് ഏറ്റവും രസകരമായ വസ്തുത. പകരം സാംസങ്ങ് കമ്പനി സ്വന്തമായി രൂപകല്‍പന ചെയ്ത ഒരു ഹെഡ്‌ഫോണ്‍ പോര്‍ട്ടോ അല്ലെങ്കില്‍ USB Type C പോര്‍ട്ടോ ആയിരിക്കും ഫോണില്‍ ഉണ്ടായിരിക്കുക.

64 GB അല്ലെങ്കില്‍ 128 GB റോമും, 6 GB റാമും ആയിരിക്കും ഫോണില്‍ ഉണ്ടായിരിക്കുക. പ്രതീക്ഷിച്ചതിലും നേരത്തെയായിരിക്കും എസ് 8 അവതരിപ്പിക്കപ്പെടുക. സാധാരണഗതിയില്‍ വേള്‍ഡ് മൊബൈല്‍ കോണ്‍ഫറണ്‍സിനു ഒരാഴ്ച മുന്‍പാണ് സാംസങ്ങ് തങ്ങളുടെ എസ് സീരീസ് ഫോണുകള്‍ പുറത്തിറക്കാറുള്ളത്. ചുരുക്കി പറഞ്ഞാല്‍ ആപ്പിള്‍ ഐഫോണ്‍ 7 നുള്ള ഒരു നല്ല മറുപടിയായിരിക്കും ഗാലക്‌സി എസ് 8.

samsung-galaxy-8

 

 


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.