2019 July 20 Saturday
നിങ്ങളുടെ അമ്മയോട് സംസാരത്തില്‍ മൂര്‍ച്ചയുള്ള വാക്കുകള്‍ ഉപയോഗിക്കരുത്. നിങ്ങളെ സംസാരിക്കാന്‍ പഠിപ്പിച്ചത് ആ അമ്മയാണെന്ന് മറക്കരുത്.

ഹൂതികളോട് നിലപാട് മയപ്പെടുത്തി സഊദി

പാരിസ്: യമനിലെ വിമത വിഭാഗമായ ഹൂതികള്‍ തങ്ങളുടെ അയല്‍ക്കാരാണെന്ന് സഊദി അറേബ്യന്‍ വിദേശകാര്യ മന്ത്രി ആദില്‍ അല്‍ ജുബൈര്‍. ഫ്രാന്‍സ് സന്ദര്‍ശനത്തിലുള്ള മന്ത്രി ഒരു ഫ്രഞ്ച് പത്രത്തിന് അനുവദിച്ച അഭിമുഖത്തിലാണ് ഹൂതികളുമായുള്ള നിലപാടുമാറ്റം വ്യക്തമാക്കിയത്.
ഹൂതികളോട് സഊദി ഇതുവരെ സ്വീകരിച്ച കടുത്ത നിലപാടുകള്‍ മയപ്പെടുത്തുന്നതിന്റെ ഭാഗമായാണു വിദേശകാര്യ മന്ത്രിയുടെ പ്രസ്താവനയെ പശ്ചിമേഷ്യന്‍ രാഷ്ട്രീയ നിരീക്ഷകര്‍ വിലയിരുത്തുന്നത്. യമനിലെ തങ്ങളുടെ ശത്രുക്കള്‍ വിമത വിഭാഗമായ ഹൂതികളെല്ലെന്നും അല്‍ ഖാഇദയും ഐ.എസുമാണു തങ്ങളുടെ മുഖ്യശത്രുവെന്നും അദ്ദേഹം പറഞ്ഞു.

ഹൂതികളും യമനികളും തങ്ങളുടെ അയല്‍ക്കാരാണ്. അല്‍ ഖാഇദയും ഐ.എസും രണ്ടു തീവ്രവാദ ഗ്രൂപ്പുകളാണ്. അവരെ തുരത്തലാണു ലക്ഷ്യം-ആദില്‍ അല്‍ ജുബൈര്‍ പത്രത്തോട് വ്യക്തമാക്കി.
യമനില്‍ നിലവിലെ അവസ്ഥയില്‍ മാറ്റംവരുത്താന്‍ സഊദി അറേബ്യ ആഗ്രഹിക്കുന്നതായി മന്ത്രിയുടെ വാക്കുകളെ ഉദ്ധരിച്ചു പത്രം വെളിപ്പെടുത്തി. കുവൈത്തില്‍ നടക്കുന്ന യമന്‍ സമാധാന ചര്‍ച്ച വിജയം കാണുമെന്നും അദ്ദേഹം ശുഭാപ്തി വിശ്വാസം പ്രകടിപ്പിച്ചു. ഹൂതികളെ അംഗീകരിച്ചാലും ഇല്ലെങ്കിലും യമനിന്റെ സാമൂഹ്യവളര്‍ച്ചയുടെ ഭാഗമാണ് അവരെന്ന് മന്ത്രി ട്വീറ്റ് ചെയ്തിട്ടുമുണ്ട്.
യമനിലെ വിമത വിഭാഗമായ ഹൂതി സൈന്യവുമായി സഊദിയുടെ നേതൃത്വത്തിലുള്ള സഖ്യസേന ഒരു വര്‍ഷത്തിലധികമായി യുദ്ധം ചെയ്തുവരികയാണ്.


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.

Latest News