2019 August 23 Friday
നീ വിധിപറയുകയാണെങ്കില്‍ നീതിപൂര്‍വം വിധിപറയുക. നിശ്ചയം, അല്ലാഹു നീതിമാന്മാരെ സ്‌നേഹിക്കുന്നു. ഖുര്‍ആന്‍ (5:42)

ഹാജിമാര്‍ ഞായറാഴ്ച മുതല്‍ തിരിച്ചെത്തും

 

കൊണ്ടോട്ടി: സംസ്ഥാന ഹജ്ജ് കമ്മിറ്റിക്കു കീഴില്‍ ഹജ്ജിന് പോയവര്‍ പരിശുദ്ധ ഹജ്ജ് കര്‍മം പൂര്‍ത്തിയാക്കി 18ന് ഞായറാഴ്ച മുതല്‍ ജന്മനാട്ടിലെത്തും. 300 ഹാജിമാരുമായുളള ആദ്യസംഘം ജിദ്ദയില്‍നിന്ന് രാവിലെ എട്ടുമണിയോടെ കരിപ്പൂരിലെത്തും. ആദ്യ ദിനത്തില്‍ തന്നെ നാലുവിമാനങ്ങളിലായി 1200 ഹാജിമാര്‍ മടങ്ങിയെത്തും. രാവിലെ 11, ഉച്ചക്ക് 1.30, 1.50 സമയങ്ങളിലായി മറ്റു വിമാനങ്ങളും വന്നെത്തും. ഞായറാഴ്ച ആരംഭിക്കുന്ന മടക്ക സര്‍വിസുകള്‍ സപ്റ്റംബര്‍ 3 വരെയാണ് ക്രമീകരിച്ചിരിക്കുന്നത്.
19, 20, 21, 22, 23, 25, 27, 29, 30 സപ്റ്റംബര്‍ 2,3 തിയതികളില്‍ രണ്ട് വിമാനങ്ങള്‍ വീതവും, 24, 26, 28 തിയതികളില്‍ മൂന്ന് വിമാനവും 31, സപ്റ്റംബര്‍ 1 തിയതികളില്‍ ഓരോ വിമാനവുമാണ് കരിപ്പൂരിലേക്ക് ഷെഡ്യൂള്‍ ചെയ്തിരിക്കുന്നത്.
ഹജ്ജ് കഴിഞ്ഞെത്തുന്ന ഹാജിമാര്‍ക്ക് വിമാനത്താവളത്തില്‍നിന്ന് എമിഗ്രേഷന്‍, കസ്റ്റംസ് പരിശോധനകള്‍ പെട്ടെന്ന് പൂര്‍ത്തിയാക്കി പുറത്തിറങ്ങാന്‍ കരിപ്പൂരില്‍ വിപുലമായ സൗകര്യങ്ങള്‍ ഒരുക്കിയിട്ടുണ്ട്.
വിമാനത്താവളത്തില്‍നിന്ന് പുറത്തിറങ്ങുന്ന ഹാജിമാര്‍ക്ക് ഓരോരുത്തര്‍ക്കും സംസം പുണ്യ തീര്‍ഥജലം അഞ്ചു ലിറ്റര്‍ വീതം നല്‍കും.
ഇവ നേരത്തെ തന്നെ വിമാന കമ്പനികള്‍ വിമാനത്താവളങ്ങളില്‍ എത്തിച്ചിട്ടുണ്ട്.

 


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.