2019 January 19 Saturday
ഒരു നല്ല വാക്ക് പറയുന്നതും അരോചകമായത് ക്ഷമിക്കുന്നതും ദ്രോഹം പിന്തുടരുന്ന ദാനത്തെക്കാള്‍ ഉല്‍കൃഷ്ടമാകുന്നു

ഹരിത കേരള പുരസ്‌കാരം 2018: അപേക്ഷ ക്ഷണിച്ചു

വീടുകളില്‍ മാതൃക ഖര ദ്രവ മാലിന്യ സംസ്‌കരണ സംവിധാനങ്ങള്‍ ഏര്‍പ്പെടുത്തുന്നതിനും ഓര്‍ഗാനിക് ഫാമിംഗ് എന്ന കാഴ്ചപ്പാടോടു കൂടി പച്ചക്കറി കൃഷി പ്രോത്സാഹിപ്പിക്കുന്നതിനും പരിസ്ഥിതിയുമായി ഇണങ്ങി ജീവിക്കാന്‍ പ്രേരിപ്പിക്കുന്നതിനുമായി സംസ്ഥാന മലിനീകരണ നിയന്ത്രണ ബോര്‍ഡിന്റെ ഹരിത കേരള പുരസ്‌കാരം 2018 ന് പരിഗണിക്കുന്നതിന് കേരള സംസ്ഥാന സര്‍ക്കാര്‍ ജീവനക്കാരില്‍ നിന്നും അപേക്ഷ ക്ഷണിച്ചു. സംസ്ഥാനതലത്തില്‍ ഒന്നാം സ്ഥാനത്തിന് അര്‍ഹനാകുന്നവര്‍ക്ക് 15,000 രൂപയും, പ്രശസ്തിപത്രവും രണ്ടാം സ്ഥാനത്തിന് അര്‍ഹരാകുന്നവര്‍ക്ക് 10,000 രൂപയും, പ്രശസ്തിപത്രവും മൂന്നാം സ്ഥാനത്തിന് അര്‍ഹരാകുന്നവര്‍ക്ക് 5,000 രൂപയും, പ്രശസ്തി പത്രവും നല്‍കും. ഖരമാലിന്യ സംസ്‌കരണ സംവിധാനം, ദ്രവമാലിന്യ സംസ്‌കരണ സംവിധാനം, മഴവെളള സംഭരണം, കൃഷി എന്നിവയാണ് അവാര്‍ഡിനു പരിഗണിക്കുന്ന വിഷയങ്ങള്‍. അപേക്ഷകള്‍ നവംബര്‍ 30ന് മുന്‍പ് ബോര്‍ഡിന്റെ അതതു ജില്ലാ ഓഫീസുകളില്‍ സമര്‍പ്പിക്കണം.

 


കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.