2017 March 28 Tuesday
ലോകത്തില്‍ മാറ്റങ്ങള്‍ വരണമെന്ന് ഏവരും ആഗ്രഹിക്കുന്നു. എന്നാല്‍, സ്വയം മാറ്റത്തിനു വിധേയനാവാന്‍ ആരും തയ്യാറല്ല താനും
- ലിയോ ടോള്‍സ്‌റ്റോയ്

ഹബീബ് ഹസനെ അനുമോദിച്ചു

 

മുക്കം: വനം വികസന കോര്‍പറേഷന്‍ ഫീല്‍ഡ് ഓഫിസര്‍ തസ്തികയിലേക്ക് പി.എസ്.സി നടത്തിയ പരീക്ഷയില്‍ ഒന്നാം റാങ്ക് നേടിയ ഹബീബ് ഹസനെ അമ്പലക്കണ്ടി യൂനിറ്റ് എസ്.കെ.എസ്.എസ്.എഫിന്റെ വിദ്യാഭ്യാസ സാംസ്‌കാരിക വിഭാഗമായ ‘വിന്‍പോയിന്റ്’ അനുമോദിച്ചു.
യൂത്ത് ലീഗ് സംസ്ഥാന സെക്രട്ടറി പി.ജി മുഹമ്മദ് ഉപഹാരം നല്‍കി. വി.കെ മുഹമ്മദ് ഹാജി അധ്യക്ഷനായി. അബു മൗലവി അമ്പലക്കണ്ടി, നവാസ് ഓമശ്ശേരി, ഡോ. മുഹമ്മദ് സലീം, ടി.കെ കരീം മാസ്റ്റര്‍, അലി ഹുസൈന്‍ വാഫി അമ്പലക്കണ്ടി, കെ.ടി മുഹമ്മദ്, കെ.കെ.എ ജലീല്‍, പി. സുല്‍ഫിക്കര്‍ മാസ്റ്റര്‍, ഹസീബ് സംസാരിച്ചു.
ബിരുദാനന്തര ബിരുദധാരിയായ ഹബീബ് നെറ്റും ജെ.ആര്‍.എഫും നേടിയിട്ടുണ്ട്. പി.സി മുഹമ്മദ് ഫൈസിയാണ് പിതാവ്.