2019 July 19 Friday
നിങ്ങളുടെ അമ്മയോട് സംസാരത്തില്‍ മൂര്‍ച്ചയുള്ള വാക്കുകള്‍ ഉപയോഗിക്കരുത്. നിങ്ങളെ സംസാരിക്കാന്‍ പഠിപ്പിച്ചത് ആ അമ്മയാണെന്ന് മറക്കരുത്.

ഹജ്ജ് ആരാധനകര്‍മമാണ്, അതില്‍ രാഷ്ട്രീയമില്ല: സഊദി

നിസാര്‍ കലയത്ത്

ജിദ്ദ: ഹജ്ജ് ആരാധന കര്‍മമാണെന്നും അതില്‍ രാഷ്ട്രീയം കാണുന്നില്ലെന്നും സഊദി. ഹജ്ജ് ആരാധനക്കും വ്യക്തി ശുദ്ധീകരണത്തിനുമുള്ള തീര്‍Lാടനമാണ്. ഇതില്‍ രാഷ്ട്രീയത്തിനിടമില്ലെന്നും സഊദി ഇന്‍ഫര്‍മേഷന്‍ മന്ത്രി അവ്വാദ് ബിന്‍ സാലിഹ് അല്‍ അവ്വാദ് പറഞ്ഞു.

ഈ വര്‍ഷത്തെ ഹജ്ജ് കര്‍മ്മങ്ങള്‍ക്ക് മുന്നോടിയായി മാധ്യമ പ്രതിനിധികളുമായുള്ള ചര്‍ച്ചകള്‍ക്കിടെയായിരുന്നു അദ്ദേഹത്തിന്റെ പ്രതികരണം.

വിവിധ അറബ്,ആഫ്രിക്കന്‍,ഏഷ്യന്‍ രാജ്യങ്ങളില്‍ നിന്നുള്ള മാധ്യമ പ്രതിനിധികളുമായി ജിദ്ദയിലെ അദ്ദേഹത്തിന്റെ ഓഫിസില്‍ വെച്ചായിരുന്നു കൂടിക്കാഴ്ച.
അല്ലാഹുവിന്റെ ഭവനത്തിലേക്ക് അതിഥികളായെത്തുന്ന മുഴുവന്‍ തീര്‍Lാടകരെയും സ്വീകരിക്കാനും അവര്‍ക്ക് വേണ്ട സേവനങ്ങള്‍ക്കും രാജ്യത്തെ എല്ലാ വകുപ്പുകളും സ്ഥാപനങ്ങളും സജ്ജമായെന്നും അദ്ദേഹം അറിയിച്ചു.

തീര്‍ഥാടകര്‍ രാജ്യത്ത് പ്രവേശിക്കുന്നത് മുതല്‍ അവര്‍ തിരിച്ചുപോകുന്നത് വരെ അവര്‍ക്ക് സഹായമായി ഭരണകൂടമുണ്ടാവുമെന്നും അദ്ദേഹം പറഞ്ഞു.

അബ്ദുല്‍ അസീസ് രാജാവിന്റെ കാലം മുതല്‍ക്കേ ഇരു ഹറമുകളുടെ സുരക്ഷക്കായും ഹജ്ജ് കര്‍മം എളുപ്പമുള്ളതാക്കാനും സഊദി ഭരണകൂടം വലിയ പങ്കു വഹിക്കുന്നുണ്ടെന്നും ഹജ്ജ് കര്‍മങ്ങള്‍ സുരക്ഷയോടെയും എളുപ്പത്തോടെയും നിര്‍വഹിക്കാന്‍ വലിയ പദ്ധതികള്‍ നടപ്പാക്കിയിട്ടുണ്ടെന്നും അദ്ദേഹം പറഞ്ഞു.

തങ്ങളുടെ തീര്‍ഥാടകര്‍ക്ക് നേരെ സഊദി തടസ്സങ്ങള്‍ സൃഷ്ടിക്കുന്നുവെന്ന് നേരത്തെ ഖത്തര്‍ പരാതിപ്പെട്ടിരുന്നു.

ഖത്തറിനെതിരെയുള്ള സഊദിയുടെ നേതൃത്വത്തിലുള്ള ഉപരോധം തുടരുന്നതിനിടെയായിരുന്നു ഖത്തറിന്റെ പ്രതികരണം. എന്നാല്‍ ഖത്തര്‍ തീര്‍ഥാടകര്‍ക്ക് തടസ്സങ്ങളില്ലെന്നും ഹജ്ജ് ചെയ്യാമെന്നും സഊദി അറിയിച്ചിരുന്നു.


 


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.