2019 July 22 Monday
നിങ്ങളുടെ അമ്മയോട് സംസാരത്തില്‍ മൂര്‍ച്ചയുള്ള വാക്കുകള്‍ ഉപയോഗിക്കരുത്. നിങ്ങളെ സംസാരിക്കാന്‍ പഠിപ്പിച്ചത് ആ അമ്മയാണെന്ന് മറക്കരുത്.

ഹംഗറിക്കെതിരേ അച്ചടക്ക നടപടിയാവശ്യപ്പെട്ട് ഇ.യു

 

ബ്രസല്‍സ്: യൂനിയന്റെ അടിസ്ഥാന മൂല്യങ്ങള്‍ ലംഘടിച്ചതിനാല്‍ ഹംഗറിക്കെതിരേ അച്ചടക്ക നടപടിയാവശ്യപ്പെട്ട് യൂറോപ്യന്‍ യൂനിയന്‍(ഇ.യു). ഇതിനായി യൂറോപ്യന്‍ പാര്‍ലമെന്റില്‍ വോട്ട് നടന്നു.
പാര്‍ലമെന്റിലെ മൂന്നില്‍ രണ്ട് അംഗങ്ങളും നടപടിയെ പിന്തുണച്ചു. ഇ.യുവിന്റെ കീഴിലുള്ള രാഷട്രത്തിനെതിരേ ആദ്യമായാണ് ഇത്തരത്തില്‍ അച്ചടക്ക നടപടി സ്വീകരിക്കുന്നത്.
വിക്ടര്‍ ഓര്‍ബന്റെ നേതൃത്വത്തിലുള്ള ഹംഗറി ഭരണകൂടം മാധ്യമങ്ങള്‍, ന്യൂനപക്ഷങ്ങള്‍ എന്നിവക്കെതിരേ ആക്രമണം നടത്തിയെന്നും രാജ്യത്തെ നിയമ സംവിധാനങ്ങള്‍ തകര്‍ത്തുവെന്നുമാണ് ആരോപണം. ഇ.യു വോട്ട് രേഖപ്പെടുത്താനുള്ള അവകാശം നിഷേധിക്കുന്നത് ഉള്‍പ്പെടെയുള്ള ശിക്ഷകളാണ് ഹംഗറിക്കെതിരേയുണ്ടാവുക.
അടിസ്ഥാന മൂല്യങ്ങള്‍ അംഗം ലംഘിച്ചാല്‍ നടപടിയെടുക്കാമെന്ന ഭരണഘടനയുടെ ഏഴാം അനുച്ഛേദമാണ് പാര്‍ലമെന്റ് ഇന്നലെ ഉപയോഗിച്ചത്.
എന്നാല്‍ തങ്ങള്‍ക്കെതിരേ എന്ത് നടപടി സ്വീകരിച്ചാലും ഈ ബ്ലാക്ക് മെയിലുകള്‍ക്ക് കീഴടങ്ങില്ലെന്ന് ഹംഗറി പ്രധാനമന്ത്രി ഓര്‍ബന്‍ പാര്‍ലമെന്റില്‍ പറഞ്ഞു. ഹംഗറി അതിര്‍ത്തികളെ സംരക്ഷിക്കും. അനധികൃത കുടിയേറ്റം തടയുമെന്നും അവകാശങ്ങളെ നേടിയെടുക്കുമെന്നും അദ്ദേഹം പറഞ്ഞു.

 


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.