2019 September 20 Friday
ദാരിദ്ര്യത്തെക്കുറിച്ച് ലജ്ജിക്കാനില്ല. അതില്‍ ലജ്ജതോന്നുന്നതാണ് ലജ്ജാകരം.

സൗജന്യ അരി പ്രഖ്യാപനത്തിലുണ്ട്; റേഷന്‍ കടയിലില്ല

 

കോഴിക്കോട്: പ്രളയ ദുരിതബാധിതര്‍ക്കുള്ള സൗജന്യ റേഷന്‍ വിതരണത്തില്‍ അവ്യക്തത. പ്രഖ്യാപനം നടന്നെങ്കിലും മിക്കയിടത്തും റേഷന്‍ വിതരണം ആരംഭിച്ചിട്ടില്ല. ഈപോസ് സംവിധാനത്തില്‍ സൗജന്യ റേഷന്‍ ഉള്‍പ്പെടുത്താത്തതാണ് വിതരണം വൈകുന്നത്. പ്രഖ്യാപനം കേട്ട് സൗജന്യ റേഷന്‍ വാങ്ങാന്‍ എത്തിയവര്‍ക്ക് ഇതോടെ തിരിച്ചു പോകേണ്ട അവസ്ഥയിലാണിപ്പോള്‍. നിരവധി പേരാണ് ഇത്തരത്തില്‍ റേഷന്‍ കടകളിലെത്തി മടങ്ങി പോകുന്നത്. പ്രളയബാധിതര്‍ക്ക് മൂന്നു മാസത്തേക്ക് സൗജന്യറേഷന്‍ അനുവദിക്കുമെന്ന് ഭക്ഷ്യമന്ത്രി പി. തിലോത്തമന്‍ അറിയിച്ചിരുന്നു.
പ്രളയബാധിത പ്രദേശങ്ങളിലെ മിക്കയിടത്തും ഇ പോസ് മെഷനുകളിലും വെള്ളം കയറിയിട്ടുണ്ട്. ഇതും റേഷന്‍ വിതരണത്തെ പ്രതികൂലമായി ബാധിക്കുണ്ട്. വെള്ളം കയറി ഇ പോസ് സംവിധാനം തകരാറില്‍ ആയ റേഷന്‍ കടകള്‍ക്ക് മാന്വല്‍ ആയാണ് റേഷന്‍ നല്‍കുന്നത്. ഇ പോസ് സംവിധാനത്തില്‍ സൗജന്യ റേഷന്‍ ഉള്‍പ്പെടുത്തുന്നതിനുള്ള സാങ്കേതിക കാലതാമസമാണ് റേഷന്‍ വിതരണം വൈകാന്‍ കാരണമെന്ന് ഉദ്യോഗസ്ഥര്‍ പറയുന്നു. പ്രശ്‌നം ഭക്ഷ്യമന്ത്രിയുടെ ശ്രദ്ധയില്‍പെടുത്തിയിട്ടുണ്ടെന്ന് റേഷന്‍ വ്യാപാരികള്‍ പറയുന്നു. ഇക്കാര്യത്തില്‍ രണ്ടു ദിവസത്തിനുള്ളില്‍ തീരുമാനമുണ്ടാകുമെന്ന് അറിയിച്ചതായും റേഷന്‍ വ്യാപാരികള്‍ പറയുന്നു.

പ്രളയക്കെടുതിയില്‍ നിരവധി കുടുംബങ്ങള്‍ക്കാണ് റേഷന്‍ കാര്‍ഡ് നഷ്ടപ്പെട്ടത്. കാര്‍ഡ് നഷ്ടമായതിനാല്‍ റേഷന്‍ ലഭിക്കില്ലെന്ന ഭീതിയും ഇവര്‍ക്കിടയിലുണ്ട്.
എന്നാല്‍ കാര്‍ഡ് നഷ്ടപെട്ടവര്‍ക്ക് സൗജന്യമായി പുതിയ കാര്‍ഡ് അനുവദിച്ചു നല്‍കുമെന്ന് മന്ത്രി പറഞ്ഞിരുന്നു. പുതിയ കാര്‍ഡ് ലഭിക്കുന്നതുവരെ റേഷന്‍ കാര്‍ഡിന്റെ നമ്പര്‍ പറഞ്ഞാല്‍ റേഷന്‍ സാധനങ്ങള്‍ ലഭിക്കുമെന്നും മാവേലി സ്റ്റോറില്‍ അവരുടെ മൊബൈല്‍ നമ്പര്‍ നല്‍കിയാല്‍ മതിയെന്നും അദ്ദേഹം അറിയിച്ചിട്ടുണ്ട്.


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.

Latest News