2019 August 18 Sunday
തെറ്റു ചെയ്യുന്നവന്‍ മനുഷ്യനാണ്; അതിനെക്കുറിച്ചോര്‍ത്തു ദു:ഖിക്കുന്നവന്‍ മഹര്‍ഷിയാണ്; എന്നാല്‍ അതില്‍ അഭിമാനം കൊള്ളുന്നവന്‍ പിശാചാണ്.

സ്വാമി വിവേകാനന്ദന്‍ യുവപ്രതിഭാ പുരസ്‌കാരത്തിന് അപേക്ഷ ക്ഷണിച്ചു

 

സംസ്ഥാന യുവജന ക്ഷേമ ബോര്‍ഡ് സ്വാമി വിവേകാനന്ദന്‍ യുവപ്രതിഭാ പുരസ്‌കാരത്തിന് അപേക്ഷ ക്ഷണിച്ചു. 2016 കലണ്ടര്‍ വര്‍ഷത്തില്‍ വിവിധ മേഖലകളില്‍ സ്തുത്യര്‍ഹവും പ്രശംസനീയവുമായ പ്രവര്‍ത്തനം കാഴ്ചവെച്ച യുവജനങ്ങള്‍ക്കും യുവജന ക്ലബ്ബുകള്‍ക്കും അപേക്ഷിക്കാം. സാമൂഹ്യ പ്രവര്‍ത്തനം, മാധ്യമ പ്രവര്‍ത്തകന്‍ (പ്രിന്റ്/ദ്യശ്യ മാധ്യമം), മാധ്യമ പ്രവര്‍ത്തക (പ്രിന്റ്/ദ്യശ്യ മാധ്യമം), കല, സാഹിത്യം (വനിത/പുരുഷന്‍), ഫൈന്‍ ആര്‍ട്‌സ്, കായികം (വനിത/പുരുഷന്‍), ശാസ്ത്രം (വനിത/പുരുഷന്‍), സംരംഭകത്വം, കൃഷി, മികച്ച യൂത്ത് ക്ലബ് എന്നീ മേഖലകളിലാണ് പുരസ്‌കാരം നല്‍കുന്നത്. അവാര്‍ഡിനായി 2016 ലെ സൃഷ്ടികളും പ്രവര്‍ത്തനങ്ങളുമായിരിക്കും വിലയിരുത്തുന്നത്. 2016 ജനുവരി ഒന്നിന് 18 വയസ്സ് പൂര്‍ത്തിയായവരും 2016 ഡിസംബര്‍ 31 ന് 40 വയസ് പൂര്‍ത്തിയാകാത്തവരെയുമാണ് പരിഗണിക്കുക. വ്യക്തിഗത അവാര്‍ഡുകള്‍ സംസ്ഥാനതലത്തിലും മികച്ച യൂത്ത് ക്ലബ്ബുകള്‍ക്ക് ജില്ലാ തലത്തിലും/സംസ്ഥാനതലത്തിലും അവാര്‍ഡുകള്‍ നല്‍കും. നിശ്ചിത അപേക്ഷാ ഫോമില്‍ പ്രവര്‍ത്തനങ്ങളുടെ സമഗ്ര റിപ്പോര്‍ട്ട് സഹിതം അപേക്ഷകള്‍ ഒക്ടോബര്‍ 30 ന് മുമ്പ് സമര്‍പ്പിക്കണം. അപേക്ഷകള്‍ നേരിട്ടും നാമ നിര്‍ദ്ദേശത്തിലൂടെയും സമര്‍പ്പിക്കാം. വിശദവിവരങ്ങള്‍ക്ക് www.skywb.kerala.gov.in , ഫോണ്‍ 04712733777, 2733139


 


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.