2019 June 24 Monday
ഭരിച്ചതുകൊണ്ടായില്ല ഭരണം ഉണ്ടെന്നു ജനങ്ങള്‍ക്ക് ബോധ്യപ്പെടുമ്പോഴേ ഏതൊരു ഗവണ്‍മെന്റും അര്‍ഥവത്താകുന്നുള്ളൂ -കാറല്‍ മാക്‌സ്‌

സ്വവര്‍ഗരതി കോടതി വിധി ലൈംഗിക

അരാജകത്വത്തിനു വഴിയൊരുക്കും: സമസ്ത എംപ്ലോയീസ് അസോ.

കോഴിക്കോട്: പരസ്പര സമ്മതത്തോടെയുള്ള സ്വവര്‍ഗരതി കുറ്റകരമല്ലെന്ന സുപ്രിംകോടതി വിധി രാജ്യത്ത് ലൈംഗിക അരാജകത്വത്തിന് വഴിയൊരുക്കുമെന്ന് സമസ്ത കേരള മുസ്‌ലിം എംപ്ലോയീസ് അസോസിയേഷന്‍ സംസ്ഥാന പ്രവര്‍ത്തക സമിതി അഭിപ്രായപ്പെട്ടു.
ഒന്നര നൂറ്റാണ്ട് കാലം നിലനിന്ന നിയമത്തെ എടുത്തുകളഞ്ഞ് പകരം സാമൂഹിക തിന്മയെ പ്രോത്സാഹിപ്പിക്കുന്ന നിയമം കൊണ്ട് വരുന്നത് ധാര്‍മിക ബോധമുള്ളവര്‍ക്ക് അംഗീകരിക്കാന്‍ കഴിയാത്തതാണെന്ന് യോഗം അഭിപ്രായപ്പെട്ടു.
നവംബര്‍ ആറിന് സംസ്ഥാന പ്രതിനിധി സമ്മേളനം കോഴിക്കോട് വച്ച് നടത്താന്‍ യോഗം തീരുമാനിച്ചു.
ഓക്ടോബര്‍ 15 നകം ജില്ലാ കണ്‍വന്‍ഷനുകള്‍ ചേരും. സമസ്ത ഓഡിറ്റോറിയത്തില്‍ ചേര്‍ന്ന യോഗത്തില്‍ പ്രസിഡന്റ് ഡോ എന്‍.എ.എം അബ്ദുല്‍ ഖാദര്‍ അധ്യക്ഷനായി. കെ.മോയിന്‍കുട്ടി മാസ്റ്റര്‍ ഉദ്ഘാടനം ചെയ്തു.
മുസ്തഫ മുണ്ടുപാറ, എം.എ പരീദ്, അഡ്വ. എം സജ്ജാദ്, ഷാഹുല്‍ ഹമീദ് മേല്‍മുറി, ടി.അബ്ദുല്‍ ഗഫൂര്‍, കെ.പി.എ സമദ്, നാസര്‍ കാഞ്ഞങ്ങാട്, സിറാജുദ്ദീന്‍ ഖാസിലൈന്‍, മുഹമ്മദ് കുഞ്ഞി കാസര്‍കോഡ്, അഡ്വ.പി.പി ആരിഫ് എന്നിവര്‍ സംബന്ധിച്ചു.

 


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.