2019 August 18 Sunday
തെറ്റു ചെയ്യുന്നവന്‍ മനുഷ്യനാണ്; അതിനെക്കുറിച്ചോര്‍ത്തു ദു:ഖിക്കുന്നവന്‍ മഹര്‍ഷിയാണ്; എന്നാല്‍ അതില്‍ അഭിമാനം കൊള്ളുന്നവന്‍ പിശാചാണ്.

സ്വകാര്യ മേഖലയില്‍ സ്വദേശികളെ പിരിച്ചുവിടല്‍; കടുത്ത നടപടിയുമായി തൊഴില്‍ മന്ത്രാലയം

ജിദ്ദ: സ്വദേശികളെ ജോലിയില്‍ നിന്ന് പിരിച്ചുവിടുന്നതിന് കടുത്ത് വിലക്കുമായി സഊദി തൊഴില്‍ മന്ത്രാലം. തൊഴില്‍ നിയമത്തിലെ 74 മുതല്‍ 77 വരെയുള്ള അനുഛേദങ്ങളില്‍ ഭാഗികമായി പരിഷ്‌കരണം വരുത്തിയാണ് തൊഴില്‍ മന്ത്രി ഡോ. അലി അല്‍ഗഫീസ് കഴിഞ്ഞ ദിവസം പുതിയ വിജ്ഞാപനമിറക്കിയത്. 

സ്വദേശികളെ കൂട്ടത്തോടെ പിരിച്ചുവിടുന്നതിന് വിലക്ക് ഏര്‍പ്പെടുത്തുന്നതാണ് പുതിയ പരിഷ്‌കരണം. നിയമം ലംഘിക്കുന്ന സ്ഥാപനങ്ങള്‍ക്ക് വിസ നിഷേധിക്കുമെന്നും മന്ത്രി അറിയിച്ചു. ഇതിനു പുറമെ തൊഴിലാളികളുടെ വര്‍ക് പെര്‍മിറ്റ് പുതുക്കുന്നതും സ്‌പോണ്‍സര്‍ഷിപ്പ് മാറ്റവും ഉള്‍പ്പെടെ മന്ത്രാലയ സേവനം രണ്ടു വര്‍ഷം വരെ തടഞ്ഞുവെക്കാനും ഔദ്യോഗികമായി ഉത്തരവു നല്‍കിയിട്ടുണ്ട്. രണ്ടു വര്‍ഷം മുമ്പ് പുറത്തിറക്കിയ രാജവിജ്ഞാപനത്തിലെ പരാമര്‍ശമനുസരിച്ച് തൊഴില്‍ വിപണി ചിട്ടപ്പെടുത്താനുള്ള നിയമ പരിഷ്‌കരണത്തിന് തൊഴില്‍ മന്ത്രിക്ക് നല്‍കിയ അധികാരം ഉപയോഗിച്ചാണ് പുതിയ പരിഷ്‌കാരം നടപ്പാക്കുന്നത്. ഭീമന്‍ കമ്പനികള്‍, വന്‍കിട കമ്പനികള്‍, ഇടത്തരം കമ്പനികള്‍ എന്നിവയില്‍ നിന്ന് സ്വദേശികളെ പിരിച്ചുവിടുന്നതിന് വിലക്ക് ഏര്‍പ്പെടുത്തുന്നതാണ് പുതിയ പരിഷ്‌കരണത്തിന്റെ മുഖ്യഭാഗവും. സ്ഥാപനത്തിലെ ഒരു ശതമാനം അല്ലെങ്കില്‍ പത്തു സ്വദേശി തൊഴിലാളികളെ ഒരു വര്‍ഷത്തിനുള്ളില്‍ പിരിച്ചുവിടുകയാണെങ്കില്‍ അതു കൂട്ട പിരിച്ചുവിടലായി പരിഗണിച്ച് സ്ഥാപനത്തിനെതിരെ നടപടി സ്വീകരിക്കും. സ്ഥാപനം പാപ്പരായി പ്രഖ്യാപിക്കുകയോ അടച്ചുപൂട്ടുകയോ ചെയ്തിട്ടുണ്ടെങ്കില്‍ മാത്രമാണ് ശിക്ഷയില്‍ നിന്ന് ഇളവു ലഭിക്കുകയെന്നും തൊഴില്‍ കരട് നിയമത്തില്‍ പ്രത്യേക പരാമര്‍ശമുണ്ട്.


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.