2019 April 25 Thursday
ഒരു പ്രഭുവിന്റെ രക്തത്തെക്കാള്‍ വില കൂടിയതത്രെ ഒരു പിച്ചക്കാരന്റെ കൈയിലുള്ള പുസ്തകം -വില്യം ഷേക്‌സ്പിയര്‍

സ്ത്രീകളുടെയും കുട്ടികളുടെയും പ്രശ്‌നങ്ങള്‍ പരിഹരിക്കാന്‍ പുതിയ പഠനം

തിരുവനന്തപുരം: പ്രളയാനന്തര കേരളത്തില്‍ സ്ത്രീകളുടെയും കുട്ടികളുടെയും ആവശ്യങ്ങളറിയാനും പരിഹരിക്കാനും നഷ്ടങ്ങള്‍ വിലയിരുത്താനും പുതിയ പഠനം നടത്തുന്നു. വനിതാ ശിശുവികസന വകുപ്പും പ്ലാനിങ് ബോര്‍ഡും സംയുക്തമായാണു പഠനം നടത്തുന്നത്.

പ്ലാനിങ് ബോര്‍ഡ് മെമ്പര്‍ ഡോ. മൃദുല്‍ ഈപ്പനും ജെന്‍ഡര്‍ അഡൈ്വസറായ ഡോ. ടി.കെ ആനന്ദിയുമാണു പഠനം നയിക്കുന്നത്.
സ്ത്രീകള്‍ക്കും കുട്ടികള്‍ക്കുമുണ്ടായ നഷ്ടങ്ങള്‍ അപഗ്രഥിച്ച് അവയില്‍ ഏതൊക്കെ അടിയന്തരമായി പുനര്‍നിര്‍മിക്കാന്‍ കഴിയുമെന്നതും പരിശോധിക്കും. കൂടാതെ കുട്ടികളുടെ ആവശ്യങ്ങള്‍ എന്താണെന്നും സ്ത്രീകള്‍ക്കു തൊഴില്‍ ഉള്‍പ്പെടെ ജീവനോപാധികള്‍ എങ്ങനെ കണ്ടെത്താന്‍ കഴിയും എന്നിവയും പഠനവിധേയമാക്കുമെന്ന് ആരോഗ്യ മന്ത്രി കെ.കെ ശൈലജ പറഞ്ഞു.
പ്രളയദുരന്തം അതിജീവിക്കാന്‍ ഒറ്റക്കെട്ടായി മാതൃകാപരമായ പ്രവര്‍ത്തനമാണ് കേരളം നടത്തിക്കൊണ്ടിരിക്കുന്നത്.
ക്യാംപുകളില്‍നിന്ന് ആളുകള്‍ വീട്ടിലെത്തിയ സാഹചര്യത്തില്‍ അവരെ കാത്തിരിക്കുന്നത് അവര്‍ ഉപേക്ഷിച്ചുപോയ വീടല്ല എന്നതുതന്നെ ഏറെ സങ്കടകരമാണ്. ഏതൊരു ദുരന്തവും അതു പ്രകൃതിദത്തമായാലും മനുഷ്യനിര്‍മിതമായാലും കൂടുതലായി ബാധിക്കുന്നതു സ്ത്രീകളെയും കുട്ടികളെയുമാണ്. കേരളത്തിലെ പ്രളയദുരന്തത്തിലെ വസ്തുതകളും മറ്റൊന്നല്ല.
അതിനാലാണു സ്ത്രീകളുടെയും കുട്ടികളുടെയും വികസനത്തിനുവേണ്ടി നടത്തിയിരുന്ന പരിപാടികള്‍ തുടരുന്നതോടൊപ്പം പുതിയൊരു പഠനം നടത്താന്‍ വനിതാ ശിശുവികസന വകുപ്പ് തീരുമാനിച്ചതെന്നും മന്ത്രി പറഞ്ഞു.


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.