2019 August 21 Wednesday
തെറ്റു ചെയ്യുന്നവന്‍ മനുഷ്യനാണ്; അതിനെക്കുറിച്ചോര്‍ത്തു ദു:ഖിക്കുന്നവന്‍ മഹര്‍ഷിയാണ്; എന്നാല്‍ അതില്‍ അഭിമാനം കൊള്ളുന്നവന്‍ പിശാചാണ്.

സൈക്കിള്‍ പോളോ ചാംപ്യന്‍ഷിപ്പ്: ആലപ്പുഴയ്ക്ക് ഓവറോള്‍ കിരീടം

ആലപ്പുഴ: സംസ്ഥാന സൈക്കിള്‍ പോളോ ചാംപ്യന്‍ഷിപ്പില്‍ ആലപ്പുഴ ജില്ലക്ക് ഓവറോള്‍ കിരീടം. വണ്ടാനം ടി.ഡി മെഡിക്കല്‍ കോളജ് മൈതാനത്താണ് 45ാം സംസ്ഥാന മത്സരങ്ങള്‍ അരങ്ങേറിയത്.
സബ്ജൂനിയര്‍ പെണ്‍കുട്ടികളുടെ വിഭാഗം ഫൈനലില്‍ ആലപ്പുഴയെ പരാജയപ്പെടുത്തി കോഴിക്കോട് വിജയിച്ചു. സ്‌കോര്‍ 6-4. മൂന്നാം സ്ഥാനം തിരുവനന്തപുരം നേടി. സബ് ജൂനിയര്‍ ആണ്‍കുട്ടികളുടെ ഫൈനലില്‍ ആലപ്പുഴ ഇടുക്കിയെ പരാജയപ്പെടുത്തി ജേതാക്കളായി. സ്‌കോര്‍ 10-2. കോഴിക്കോടിനാണ് മൂന്നാം സ്ഥാനം. ജൂനിയര്‍ ആണ്‍കുട്ടികളുടെ ഫൈനലില്‍ ഇടുക്കിയെ തോല്‍പ്പിച്ച് ആലപ്പുഴ വിജയിച്ചു. സ്‌കോര്‍ 10-3. ഈ വിഭാഗത്തില്‍ മലപ്പുറത്തിനാണ് മൂന്നാം സ്ഥാനം. ജൂനിയര്‍ പെണ്‍കുട്ടികളുടെ ഫൈനലില്‍ ആലപ്പുഴ കോഴിക്കോടിനെ കീഴടക്കി. സ്‌കോര്‍ 6-2. കണ്ണൂരിനാണ് മൂന്നാം സ്ഥാനം. സീനിയര്‍ ആണ്‍കുട്ടികളുടെ ഫൈനലില്‍ ആലപ്പുഴ ഇടുക്കിയെ അട്ടിമറിച്ച് ജേതാക്കളായി. 12-3). മലപ്പുറത്തിനാണ് ഈ വിഭാഗത്തില്‍ മൂന്നാം സ്ഥാനം. സീനിയര്‍ പെണ്‍കുട്ടികളുടെ ഫൈനലിലും ഇടുക്കിയെ തോല്‍പ്പിച്ച് ആലപ്പുഴ ചാംപ്യന്‍മാരായി. 10-3. കോഴിക്കോടിനാണ് മൂന്നാം സ്ഥാനം.
വിജയികള്‍ക്കുള്ള മെഡല്‍ ദാനം ജില്ല സ്‌പോര്‍ട്‌സ് കൗണ്‍സില്‍ പ്രസിഡന്റ് ഡോ.രമ്യ അലക്‌സാണ്ടര്‍ നിര്‍വഹിച്ചു.


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.

Latest News