2019 April 24 Wednesday
പരാജയം ഒരു കുറ്റമേയല്ല. എന്നാല്‍, പരാജയത്തില്‍ നിന്നു പാഠം പഠിക്കാതിരിക്കല്‍ ഒരു കുറ്റം തന്നെയാണ് -വാള്‍ട്ടര്‍ റിസ്റ്റണ്‍

സേവന മേഖലക്ക് ഊന്നല്‍ നല്‍കി അരൂര്‍ പഞ്ചായത്ത് ബജറ്റ്

അരൂര്‍: സേവന മേഖലക്ക് ഊന്നല്‍ നല്‍കി അരൂര്‍ പഞ്ചായത്ത് 2019-20 ലെ ബഡ്ജറ്റ് അവതരിപ്പിച്ചു. സേവന മേഖലയായ വിദ്യാഭ്യാസം, ആരോഗ്യം, ഭവന നിര്‍മാണം, പരിസ്ഥിതി മലിനീകരണം എന്നീ മേഖലയുടെ സമഗ്രവികസനം ലക്ഷ്യമിട്ട് എട്ട് കോടി രൂപ വകയിരുത്തിയിട്ടുണ്ട്.
പഞ്ചായത്തിലെ അടിസ്ഥാന മേഖലയായ കൃഷി, മത്സ്യ ബന്ധനം, മൃഗ സംരക്ഷണം, ചെറുകിട വ്യവസായം എന്നിവക്ക് ഊന്നല്‍ നല്‍കി കൊണ്ട് ഒന്നര കോടി രൂപ ഈ മേഖലക്ക് വകയിരുത്തിയിട്ടുണ്ട്. ലൈഫ് പദ്ധതിയില്‍ ഉള്‍പ്പെടുത്തി 100 വീടുകള്‍ പൂര്‍ത്തീകരിച്ചു നല്‍കും. പഞ്ചായത്ത് വക സ്ഥലത്ത് എസ്.സി വിഭാഗത്തിനായി ഫ്‌ളാറ്റ് നിര്‍മിക്കും. വീട് പുനഃരുദ്ധാരണത്തിനായി 88 ലക്ഷം രൂപ വകയിരുത്തി.
സമ്പൂര്‍ണ ശുചിത്വത്തിനായി ഏയ്‌റോബിക് ഗാര്‍ഡന്‍, സെപ്റ്റിക്ക് ടാങ്കുകള്‍, ബയോഗ്യാസ് പ്ലാന്റ്, കംപോസ്റ്റ് കിറ്റ്, പുത്തന്‍തോട് ശുചീകരണം എന്നിവ ലക്ഷ്യമിടുന്നു. സമ്പൂര്‍ണ കുടിവെള്ള പദ്ധതി ഏറ്റെടുക്കല്‍, സമ്പൂര്‍ണ എന്‍.ഇ.ഡി ഗ്രാമം പദ്ധതി, ഗ്രീന്‍ ഹൗസ്, ക്ലീന്‍ സിറ്റി, നേച്ചര്‍ ഫ്രഷ്, ടൂറിസം വില്ലേജ് ഗ്രാമം പദ്ധതി, യുവജനങ്ങള്‍ക്ക് കളിസ്ഥലം, കുട്ടികളുടെ പാര്‍ക്ക്, ബോട്ടിങ്, ജലാശയ ഫ്‌ളോട്ടിങ് ടൂറിസ്റ്റ് ഹട്ട്, ഗവ.എല്‍.പി സ്‌കൂള്‍ കുട്ടികള്‍ക്ക് അസംബ്ലി ഹാള്‍, ദിവ്യാംഗതര്‍ക്ക് കൂട നിര്‍മാണ യൂനിറ്റ്, വയോജനങ്ങള്‍ക്ക് കട്ടില്‍, പൊതു ശൗചാലയം എന്നിവ ഏറ്റെടുത്തു നടത്തും.
പട്ടികജാതി പട്ടികവര്‍ഗക്കാര്‍ക്കായി 50 ലക്ഷം രൂപ സേവന, ഉല്‍പാദന, പശ്ചാത്തല മേഖലയില്‍ ഏറ്റെടുത്തിട്ടുണ്ട്. സ്ത്രീ സുരക്ഷക്കായി യോഗാ പരിശീലനം, തോടുകള്‍ ആഴം കൂട്ടുന്നതിന് 20 ലക്ഷം രൂപ, ഷോപ്പിങ് കോംപ്ലക്‌സ് നവീകരിക്കുന്നതിന് 15 ലക്ഷം, പഞ്ചായത്തിനു മുന്‍വശം സ്ഥിരം പന്തല്‍, ഹൈടെക് മാര്‍ക്കറ്റ് നിര്‍മാണം, അങ്കണവാടികളുടെ പുനഃരുദ്ധാനത്തിന് 80 ലക്ഷം എന്നിവക്ക് തുക നീക്കിവച്ചിട്ടുണ്ട്.
അരൂര്‍ പ്രാഥമിക ആരോഗ്യ കേന്ദ്രത്തിന്റെ മുഴുവന്‍ സമയ പ്രവര്‍ത്തനത്തിനായി തുക നീക്കിവച്ചു. 301 കോടി ചെലവും 30 കോടി നീക്കിയിരിപ്പും വരുന്ന ബജറ്റാണ് അവതരിപ്പിച്ചത്.

 


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.