2019 September 23 Monday
സത്യാന്വേഷിയുടെ ആത്മീയ അന്വേഷണത്തിന്റെ ഭാഗമാണ് നിശബ്ദത

സെപ്റ്റംബര്‍ ഒന്ന് വഞ്ചനാ ദിനം: മഞ്ചേശ്വരം മണ്ഡലം യൂത്ത് ലീഗ്

മഞ്ചേശ്വരം: ആവശ്യ സാധനങ്ങളുടെ വില വര്‍ധനവ് മൂലം കേരളീയ കുടുംബ ജീവിത വ്യവസ്ഥ അവതാളത്തിലും രാഷ്ട്രീയ എതിരാളികളെ കൊന്നൊടുക്കി മുന്നേറുന്ന ഇടത് ഭരണത്തിന് കീഴില്‍ ജനജീവിതം പ്രയാസത്തില്‍ കഴിയുമ്പോള്‍ മദ്യം ഓണ്‍ലൈനായി നല്‍കി കേരള ജനതയെ പരിഹസിക്കുന്ന എല്‍ ഡി എഫ് സര്‍ക്കാറിന്റെ ഭരണം കേരളത്തിന് അപമാനമാണെന്ന് യൂത്ത് ലീഗ് മഞ്ചേശ്വരം മണ്ഡലം കമ്മിറ്റി ആരോപിച്ചു.
ഓണ പരീക്ഷ അടുത്തിട്ടും പാഠപുസ്തകം ലഭ്യമാക്കുന്നതിലും സാധാരണക്കാരുടെ ചികില്‍സക്ക് കഴിഞ്ഞ സര്‍ക്കാര്‍ അനുവധിച്ച ചികില്‍സ ധനസഹായം പോലും നല്‍കാതിരിക്കുകയും ചെയ്യുന്നതിലൂടെ സര്‍ക്കാറിന്റെ വഞ്ചനയാണ് വ്യക്തമാക്കുന്നത് . ഇതില്‍ പ്രതിഷേധിച്ചു സെപ്റ്റംബര്‍ ഒന്നിന് മണ്ഡലത്തിലെ എട്ട് കേന്ദ്രങ്ങളില്‍ ധര്‍ണയും പ്രകടനവും സംഘടിപിക്കാന്‍ മഞ്ചേശ്വരം മണ്ഡലം മുസ്‌ലിം യൂത്ത് ലീഗ് പ്രവര്‍ത്തക സമിതി തീരുമാനിച്ചു.മുന്‍ ജില്ല ജനറല്‍ സെക്രട്ടറി എ.കെ.എം അഷ്‌റഫ് ഉദ്ഘാടനം ചെയ്തു. പ്രസിഡന്റ് സൈഫുളള തങ്ങല്‍ അധ്യക്ഷത വഹിച്ചു. ജില്ലാ ഭാരവാഹികളായ യൂസുഫ് ഉളുവാര്‍, സെഡ് എ കയ്യാര്‍ അസീസ് കളത്തൂര്‍, ഉമര്‍ ബങ്കിമൂല, അബ്ദുല്‍ ഖാദര്‍ ബാക്രബൈല്‍, ബഷീര്‍ മൊഗര്‍, റഫീഖ് കണ്ണൂര്‍, മണ്ഡലം ജന. സെക്രട്ടറി റഹ്മാന്‍ ഗോള്‍ഡന്‍, മുസ്തഫ ഒളമുഗര്‍ പ്രസംഗിച്ചു.


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.