2019 August 25 Sunday
ഹൃദയത്തില്‍ സത്യമുള്ളവന്‍ തന്റെ നാവിനെ പറ്റി ഭയപ്പെടേണ്ടതില്ല

സുവര്‍ണ സ്വപ്നവുമായി സൈനയും ബാഡ്മിന്റണ്‍ സംഘവും

റിയോയിലെ ഇന്ത്യന്‍ മെഡല്‍ പ്രതീക്ഷയില്‍ മുന്നില്‍ നില്‍ക്കുന്നു ബാഡ്മിന്റണ്‍ ഐക്കണ്‍ സൈന നേഹ്‌വാള്‍. നിലവില്‍ ബാഡ്മിന്റണിലെ ഒളിംപിക് വെങ്കല മെഡല്‍ ജേതാവാണ് സൈന. ബാഡ്മിന്റണില്‍ ഒളിംപിക് മെഡല്‍ നേടിയ ഏക ഇന്ത്യന്‍ താരവും സൈന തന്നെ. മുന്‍ ലോക ഒന്നാം നമ്പര്‍ താരമായ സൈന നിലവില്‍ അഞ്ചാം റാങ്കില്‍ നില്‍ക്കുന്നു.

ഒളിംപിക്‌സ് ബാഡ്മിന്റണില്‍ ജി ഗ്രൂപ്പിലാണ് സൈന. ഗ്രൂപ്പ് ഘട്ടങ്ങള്‍ സൈനയ്ക്ക് എളുപ്പമാണ്. പ്രീ ക്വാര്‍ട്ടറിലും കടുത്ത എതിരാളിയെ ലഭിക്കാനിടയില്ല. സാധ്യത തായ്‌ലന്‍ഡ് താരം പോണ്‍ടിപ് ബുര്‍നപ്രസെര്‍കിനെ എതിരാളിയായി ലഭിക്കാനാണ്. അവിടെ കടന്നാല്‍ പക്ഷേ കാര്യങ്ങള്‍ എളുപ്പമാകില്ല.

ക്വാര്‍ട്ടറിലെത്തിയാല്‍ അവിടെ ഒളിംപിക് ചാംപ്യന്‍ ചൈനയുടെ ലി സുറേയിയെ ആയിരിക്കും എതിരാളിയായി ലഭിക്കുക. സുറേയിയെ മറികടന്നാല്‍ സെമിയില്‍ ലോക ബാഡ്മിന്റണ്‍ ചാംപ്യന്‍ സ്‌പെയിനിന്റെ കരോലിന മരിനേയാവും മിക്കവാറും നേരിടേണ്ടി വരിക.  

സൈനയ്‌ക്കൊപ്പം മെഡല്‍ സാധ്യതയുള്ള മറ്റൊരു വനിതാ താരം പി.വി സിന്ധുവാണ്.
ബാഡ്മിന്റണ്‍ പുരുഷ സിംഗിള്‍സില്‍ റിയോയിലെ ഇന്ത്യന്‍ പ്രതീക്ഷ കിഡംബി ശ്രീകാന്താണ്. പുരുഷ സിംഗിള്‍സില്‍ മത്സരിക്കുന്ന ഏക ഇന്ത്യന്‍ താരവും ശ്രീകാന്താണ്. നിലവിലെ ഫോം പരിഗണിച്ചാല്‍ ശ്രീകാന്തിനും പ്രതീക്ഷയ്ക്കു വകയുണ്ട്.

വനിതാ ഡബിള്‍സില്‍ ജ്വാല ഗുട്ട- അശ്വിനി പൊന്നപ്പ സഖ്യമാണ്  സാധ്യതകള്‍ നിലനിര്‍ത്തുന്നത്. പരുഷ ഡബിള്‍സില്‍ മനു അത്രി- സുമിത് റെഡ്ഡി സഖ്യവും മികച്ച ഫോമിലാണുള്ളത്.
ഗോപി ചന്ദിന്റെ മുഖ്യപരിശീലനത്തിലാണ് ഇന്ത്യന്‍ ടീം പോരിനിറങ്ങുന്നത്.


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.

Latest News

Trending News