2019 July 18 Thursday
നിങ്ങളുടെ അമ്മയോട് സംസാരത്തില്‍ മൂര്‍ച്ചയുള്ള വാക്കുകള്‍ ഉപയോഗിക്കരുത്. നിങ്ങളെ സംസാരിക്കാന്‍ പഠിപ്പിച്ചത് ആ അമ്മയാണെന്ന് മറക്കരുത്.

സുദാനില്‍ മൂന്നു വര്‍ഷത്തിനകം അധികാരം കൈമാറാന്‍ തീരുമാനമായി

 

ഖാര്‍ത്തൂം: ഉമര്‍ അല്‍ ബഷീര്‍ ഭരണകൂടത്തെ പുറത്താക്കി അധികാരം പിടിച്ചെടുത്ത സുദാനിലെ സൈനിക നേതൃത്വം മൂന്നുവര്‍ഷത്തിനകം അധികാരം തെരഞ്ഞെടുക്കപ്പെട്ട സര്‍ക്കാറിനു കൈമാറാമെന്ന് പ്രതിപക്ഷ പ്രക്ഷോഭകര്‍ക്ക് ഉറപ്പുനല്‍കി.
പുതിയ പരമാധികാര സമിതി രൂപീകരിക്കുന്നതുള്‍പ്പെടെ അധികാര കൈമാറ്റത്തിന്റെ അന്തിമ കരാര്‍ 24 മണിക്കൂറിനകം പ്രക്ഷോഭകരുമായി ഒപ്പുവയ്ക്കുമെന്നും സൈനിക വക്താവ് ലഫ്. ജന. യാസര്‍ അല്‍ അത്ത അറിയിച്ചു.
സൈന്യം ഭരണത്തില്‍ നിന്നു പിന്‍മാറണമെന്നാവശ്യപ്പെട്ട് തലസ്ഥാനത്തെ സൈനിക ആസ്ഥാനത്തിനു പുറത്ത് ആയിരക്കണക്കിനു പ്രക്ഷോഭകര്‍ കുത്തിയിരിപ്പു സമരം നടത്തി വരുകയാണ്.

ഭരണം ജനകീയ സര്‍ക്കാറിനു കൈമാറുന്നതിനു മുന്‍പുള്ള ഇടക്കാലത്ത് ഭരണം നടത്താന്‍ 300 അംഗ പാര്‍ലമെന്റ് രൂപീകരിക്കുമെന്നും അതില്‍ 67 ശതമാനം പ്രാതിനിധ്യം ഫ്രീഡം ആന്റ് ചെയിഞ്ച് സഖ്യത്തിനും ബാക്കി മറ്റു രാഷ്ട്രീയ പാര്‍ട്ടികള്‍ക്കും ആയിരിക്കുമെന്നും അദ്ദേഹം മാധ്യമങ്ങളോട് പറഞ്ഞു. ആദ്യത്തെ ആറു മാസം രാജ്യത്തിന്റെ യുദ്ധ മേഖലകളിലുള്ള വിമതരുമായി സമാധാനസന്ധിയില്‍ ഒപ്പിടുന്നതിനാണ് ഉപയോഗിക്കുകയെന്നും അത്ത കൂട്ടിച്ചേര്‍ത്തു.

അതിനിടെ തിങ്കളാഴ്ച സൈന്യവും പ്രക്ഷോഭകരും തമ്മിലുണ്ടായ സംഘര്‍ഷത്തില്‍ നാലുപേര്‍ കൊല്ലപ്പെടുകയും നിരവധിപേര്‍ക്ക് പരുക്കേല്‍ക്കുകയും ചെയ്തിരുന്നു. പ്രക്ഷോഭകര്‍ക്കു നേരെയുണ്ടായ ആക്രമണം സംബന്ധിച്ച് അന്വേഷണം നടത്താന്‍ ഒരു സമിതിക്ക് രൂപം നല്‍കിയിട്ടുണ്ട്.

 


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.

Latest News