2020 June 04 Thursday
കോവിഡിനെതിരെ പ്രതിരോധം ശക്തമാക്കി ബഹ്റൈന്‍; രാജ്യത്ത് പരീക്ഷണാടിസ്ഥാനത്തില്‍ ഇനി പ്ലാസ്മ ചികിത്സയും

സി.എച്ചിന്റെ വാക്കുകള്‍ക്ക് ഇന്നും പ്രസക്തി

നാദാപുരം മേഖലയില്‍ സി.പി.എം വീണ്ടും അശാന്തി വിതയ്ക്കുന്നു. ഇടത് ഭരണത്തിന്റെ മറവില്‍ മുഹമ്മദ് അസ്‌ലം എന്ന ചെറുപ്പക്കാരനെ സി.പി.എം ഗുണ്ടകള്‍ കൊലക്കത്തിക്ക് ഇരയാക്കിയിരിക്കുന്നു.

ടി.പി ചന്ദ്രശേഖരന്‍ വധക്കേസിനെപോലും നാണിപ്പിക്കുന്ന രീതിയിലാണ് കൊല നടത്തിയത്. തൂണേരി ഷിബിന്‍ വധക്കേസില്‍ കോടതി നിരപരാധി എന്ന് പറഞ്ഞ് വിട്ടയച്ച മുഹമ്മദ് അസ്‌ലമിനെതിരെ പാര്‍ട്ടി ഗുണ്ടകള്‍ നിയമം നടപ്പാക്കുകയായിരുന്നു. ഷിബിന്‍ വധക്കേസിനോട് അനുബന്ധിച്ച് നാദാപുരത്തെ തൂണേരിയിലും പരിസര പ്രദേശങ്ങളിലും മാര്‍ക്‌സിസ്റ്റുകാര്‍ സംഹാരതാണ്ഡവമാടിയായപ്പോള്‍ കോടിക്കണക്കിന് രൂപയുടെ വസ്തുവഹകളാണ് കൊള്ള ചെയ്യപ്പെട്ടത്. വീടുകളും വാഹനങ്ങളും അഗ്നിക്കിരയാക്കപ്പെട്ടത് വേറെ. ജീവിതകാലം മുഴുവന്‍ കഷ്ടപ്പെട്ട് അധ്വാനിച്ചത് ഒരു നിമിഷംകൊണ്ട് ചുട്ടുചാമ്പലാക്കപ്പെട്ടു. ചെറിയ പ്രശ്‌നങ്ങള്‍പോലും ഊതിവീര്‍പിച്ച് നാദാപുരം മേഖലയില്‍ അക്രമം ആഴിച്ചുവിടുക സ്ഥിരമാണ്. 1988ല്‍ മാര്‍ ക്‌സിസ്റ്റ് നേതാവ് കണാരനെ ആക്രമിച്ചു എന്ന് പറഞ്ഞു എത്ര മനുഷ്യ ജീവനുകളാണ് അന്ന് കുരുതികഴിക്കപ്പെട്ടത്.

വന്ദ്യവയോധികനായ വാരിയംകണ്ടി കുഞ്ഞഹമ്മദ് ഹാജിയെപ്പോലും കൊലക്കത്തിക്ക് ഇരയാക്കി. പളളികളില്‍ കയറി വിശുദ്ധ ഖുര്‍ആന്‍ പിച്ചിചീന്തി അംഗശുദ്ധിവരുത്താനുള്ള ഹൗളുകളില്‍ മൂത്രം ഒഴിച്ചു. ഒരുപാട് മുസ്‌ലിം വീടുകള്‍ അഗ്നിക്കിരയാക്കി. നാദാപുരം മേഖലയെ എന്നും സംഘര്‍ഷ ഭൂമിയാക്കാന്‍ മാര്‍ക്‌സിസ്റ്റുകാര്‍ ശ്രമിച്ചുകൊണ്ടേയിരിക്കുന്നു. മൂന്നുപതിറ്റാണ്ടുകള്‍ക്ക് മുന്‍പ് മുസ്‌ലിം ലീഗ് നേതാവും കേരള മുഖ്യമന്ത്രിയും ആയിരുന്ന സി.എച്ച് മുഹമ്മദ് കോയ സാഹിബ് പറഞ്ഞു. മനുഷ്യന്‍ അധ:പതിച്ചാല്‍ മൃഗമാകും. മൃഗം അധപതിച്ചാല്‍ മാര്‍ക്‌സിസ്റ്റ് പാര്‍ട്ടിയാകും. ആ വാക്കുകള്‍ക്ക് ഇന്നും പ്രസക്തിയുണ്ട്.

മുഹമ്മദ് സക്കരിയ്യ തെന്നല


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.