2019 March 27 Wednesday
മൃഗങ്ങള്‍ എത്ര നല്ല ചങ്ങാതിമാരാണ്! ചോദ്യങ്ങളില്ല. വിമര്‍ശനങ്ങളുമില്ല. -ജോര്‍ജ് എലിയറ്റ്

സിറിയന്‍ വ്യോമതാവളത്തില്‍ സ്‌ഫോടന പരമ്പര

ദമസ്‌കസ്: സിറിയയിലെ സര്‍ക്കാര്‍ വ്യോമതാവളത്തില്‍ വന്‍ സ്‌ഫോടനം. തലസ്ഥാനമായ ദമസ്‌കസിനടുത്ത് മസ്സ വിമാനത്താവളത്തിലാണു സ്‌ഫോടന പരമ്പരയുണ്ടായത്. ആളപായവും നാശനഷ്ടങ്ങളും റിപ്പോര്‍ട്ട് ചെയ്തിട്ടില്ല.
ഇസ്‌റാഈല്‍ ആക്രമണത്തിലാണു സ്‌ഫോടനമുണ്ടായതെന്നു പ്രചാരണമുണ്ടായിരുന്നു. ഇക്കാര്യം സിറിയ നിഷേധിച്ചു. വൈദ്യുതി തകരാറാണു സ്‌ഫോടനത്തിനിടയാക്കിയതെന്ന് സിറിയന്‍ വാര്‍ത്താ ഏജന്‍സി സന സൈനിക വൃത്തങ്ങളെ ഉദ്ധരിച്ച് റിപ്പോര്‍ട്ട് ചെയ്തു. സിറിയന്‍ വ്യോമസേനാ ഇന്റലിജന്‍സിന്റെ താവളമാണ് മസ്സ വിമാനത്താവളം. ഇവിടെ കഴിഞ്ഞ വര്‍ഷം ഇസ്‌റാഈല്‍ സൈന്യം ആക്രമണം നടത്തിയിരുന്നു.ബ്രിട്ടന്‍ കേന്ദ്രമായി പ്രവര്‍ത്തിക്കുന്ന സിറിയന്‍ ഒബ്‌സര്‍വേറ്ററി ഫോര്‍ ഹ്യുമന്‍ റൈറ്റ്‌സിന്റെ റാമി അബ്ദുല്‍ റഹ്മാനാണ് ഗോലാന്‍ കുന്നുകളില്‍നിന്ന് സൈനിക താവളത്തിനുനേരെ ഇസ്‌റാഈല്‍ ആക്രമണമുണ്ടായതായി ആദ്യം വാര്‍ത്ത പുറത്തുവിട്ടത്.


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.