2019 July 18 Thursday
നിങ്ങളുടെ അമ്മയോട് സംസാരത്തില്‍ മൂര്‍ച്ചയുള്ള വാക്കുകള്‍ ഉപയോഗിക്കരുത്. നിങ്ങളെ സംസാരിക്കാന്‍ പഠിപ്പിച്ചത് ആ അമ്മയാണെന്ന് മറക്കരുത്.

‘സര്‍ഗാത്മകത പുറത്തെടുക്കുന്ന പാഠ്യപദ്ധതിയായി വിദ്യാഭ്യാസം മാറണം’

മാറഞ്ചേരി: കുട്ടികള്‍ക്ക് തങ്ങളുടെ മനസിലുള്ള മുഴുവന്‍ കഴിവുകളും പുറത്തെടുക്കാന്‍ ഉതകുന്ന രീതിയില്‍ അവരുടെ ആശയങ്ങള്‍ക്ക് മുന്‍കൈ കൊടുത്തുകൊണ്ട@ാകണം വിദ്യാഭ്യാസത്തെ ക്രമപ്പെടുത്തേണ്ട@തെന്നു സ്പീക്കര്‍ പി. ശ്രീരാമകൃഷ്ണന്‍ പറഞ്ഞു.
മാറഞ്ചേരി ഗവ. ഹയര്‍ സെക്കന്‍ഡറി സ്‌കൂളിനെ അന്താരാഷ്ട്ര നിലവാരത്തിലേക്ക് ഉയര്‍ത്തുന്നതിന്റെ ഭാഗമായി നിര്‍മിക്കുന്ന പുതിയ കെട്ടിടത്തിന്റെ ശിലാസ്ഥാപന കര്‍മം നിര്‍വഹിച്ച ശേഷം സംസാരിക്കുകയായിരുന്നു ആദ്ദേഹം. സര്‍ക്കാര്‍ അനുവദിച്ച മൂന്നു കോടി ആറു ലക്ഷം രൂപ ചെലവഴിച്ചാണ് കെട്ടിടം നിര്‍മിക്കുന്നത്.
സ്‌കൂളില്‍ നിന്നും ഉന്നത വിജയം നേടിയ കുട്ടികളെ ആദരിക്കലും വിദ്യാര്‍ഥികള്‍ മുഖ്യമന്ത്രിയുടെ ദുരിതാശ്വാസ നിധിയിലേക്കായി സ്വരൂപിച്ച തുകയുടെ കൈമാറ്റവും നടന്നു. ജില്ലാ പഞ്ചായത് പ്രസിഡന്റ് എ.പി ഉണ്ണികൃഷ്ണന്‍ അധ്യക്ഷനായി. ബ്ലോക്ക് പഞ്ചായത്ത് പ്രസിഡന്റ് ആറ്റുണ്ണി തങ്ങള്‍, പഞ്ചായത് പ്രസിഡന്റ് ഇ.സിന്ധു, സമീറ ഇളയിടത്ത്, സുബൈദ ബക്കര്‍, എം. വിജയന്‍, സ്മിത ജയരാജ്, കദീജ മൂത്തേടത്, സംഗീത രാജന്‍ തുടങ്ങിയവര്‍ സംസാരിച്ചു.

 


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.