2018 September 22 Saturday
ഒരാളുടെ മഹത്വം അളക്കുന്നത് അയാള്‍ തനിക്ക് താഴ്ന്നവരോട് എങ്ങനെ ഇടപെടുന്നു എന്നു നോക്കിയാണ്
ജെ.കെ റൗളിങ്

സമുന്നതി തൊഴില്‍ മേള: പ്രമുഖ സ്ഥാപനങ്ങള്‍ പങ്കെടുക്കും

തിരുവനന്തപുരം: സംസ്ഥാന പൊതുഭരണ വകുപ്പിനു കീഴിലുള്ള മുന്നാക്ക സമുദായ ക്ഷേമ കോര്‍പറേഷന്‍ (സമുന്നതി) സംഘടിപ്പിക്കുന്ന തൊഴില്‍മേളയ്ക്ക് പ്രമുഖ കമ്പനികള്‍ പങ്കെടുക്കും. ജൂണ്‍ 15ന് രാവിലെ ഒന്‍പതു മുതല്‍ വൈകുന്നേരം അഞ്ചു മണിവരെ കഴക്കൂട്ടം അല്‍- സാജ് കണ്‍വന്‍ഷന്‍ സെന്ററില്‍ നടക്കുന്ന മേളയില്‍ ഐ.ടി, നഴ്‌സിങ്, ബാങ്കിങ്, ഫിനാന്‍സ് മേഖലകളിലെ ഇരുപതില്‍പരം സ്ഥാപനങ്ങളാണുണ്ടാകുക.

സര്‍ക്കാര്‍ സ്ഥാപനമായ കേരള മിനറല്‍സ് ആന്‍ഡ് മെറ്റല്‍സ് ലിമിറ്റഡ്, സ്വകാര്യ മേഖലയിലെ പ്രമുഖരായ ഗോദ്‌റെജ്, സോഡെക്‌സോ, ഐ.ടി സ്ഥാപനങ്ങളായ അലയന്‍സ് ഇന്ത്യ, അറക്കല്‍ ഡിജിറ്റല്‍ സൊലൂഷന്‍സ്, ഐ.പി.എസ്.ആര്‍, ഒ.എം.ആര്‍ തുടങ്ങിയവയും വിദേശ രാജ്യങ്ങളില്‍ നിന്നുള്ള കമ്പനികളും ജോബ് ഫെയറില്‍ പങ്കെടുക്കും. തൊഴില്‍ദായകര്‍ക്കും സ്ഥാപനങ്ങള്‍ക്കും ഉദ്യോഗാര്‍ഥികള്‍ക്കും സൗജന്യമായി രജിസ്റ്റര്‍ ചെയ്ത് ജോബ് മേളയില്‍ പങ്കെടുക്കാം. പങ്കെടുക്കാന്‍ താല്‍പര്യമുള്ളവര്‍ www.kswcfc.org വെബ്‌സൈറ്റില്‍ രജിസ്റ്റര്‍ ചെയ്യണം.


കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.