2019 August 18 Sunday
തെറ്റു ചെയ്യുന്നവന്‍ മനുഷ്യനാണ്; അതിനെക്കുറിച്ചോര്‍ത്തു ദു:ഖിക്കുന്നവന്‍ മഹര്‍ഷിയാണ്; എന്നാല്‍ അതില്‍ അഭിമാനം കൊള്ളുന്നവന്‍ പിശാചാണ്.

സന്ദര്‍ശകരെ ആകര്‍ഷിച്ച് ഡിസേര്‍ട്ട് ഗാര്‍ഡന്‍

കല്‍പ്പറ്റ: സന്ദര്‍ശകരെ ആകര്‍ഷിച്ച് ഡിസേര്‍ട്ട് ഗാര്‍ഡന്‍. ലോകത്തിന്റെ വിവിധ ഭാഗങ്ങളില്‍ നിന്നെത്തിച്ച കള്ളിച്ചെടികളാണ് സന്ദര്‍ശകരുടെ കണ്ണുകള്‍ക്ക് വര്‍ണക്കാഴ്ചയൊരുക്കി വസന്തോത്സവത്തിന്റെ മാറ്റ് കൂട്ടുന്നത്. അത്യുഷ്ണത്തെ വഹിച്ചു പൂവിരിയിച്ച് സൗന്ദര്യവാഹകരായ കള്ളിച്ചെടികളാണ് മേളയിലുള്ളത്. ലോകത്തിന്റെ വിവിധ ഭാഗങ്ങളില്‍ നിന്ന് എത്തിയ അഞ്ഞൂറിലധികം ഇനത്തില്‍പ്പെട്ട ആയിരത്തിലേറെ കള്ളിച്ചെടികളാണ് നഗരിയിലുള്ളത്. മുള്ള് നിറഞ്ഞ നാടന്‍ കള്ളിച്ചെടികള്‍ മുതല്‍ തായ്‌ലന്റ്, പോളണ്ട്, ഇന്തോനേഷ്യ, ചൈന തുടങ്ങി വിവിധ ദേശങ്ങളില്‍ നിന്നുള്ളവ വരെ മേളയിലുണ്ട്. കള്ളിച്ചെടികള്‍ക്ക് വെള്ളം കുറവു മതിയെങ്കിലും പലതിനും കൂടിയ പരിചരണം ആവശ്യമാണ്. കള്ളിച്ചെടികള്‍ മാത്രമല്ല ഓര്‍ക്കിഡുകളുടെ വലിയൊരു ശേഖരവും ആന്തൂറിയം, ചെമ്പരത്തി തുടങ്ങി പൂച്ചെടികളും പച്ചമുളക് വരെ പ്രദര്‍ശനത്തിലുണ്ട്. കാഴ്ച്ചക്കാരില്‍ അത്ഭുതം വിരിയിക്കുന്ന സ്പാനിഷ് മോസും മേളക്ക് മാറ്റുകൂട്ടുന്നുണ്ട്. നാരുപോലെയുള്ള ഈ സസ്യം വെറുതെ കെട്ടിതൂക്കിയാല്‍ മതി മാസങ്ങള്‍കൊണ്ട് വലിയ ജഡയായി വളരും. പ്രവേശന ടിക്കറ്റ് എടുക്കുന്നവര്‍ക്ക് രണ്ട്് പച്ചക്കറി തൈകള്‍ സൗജന്യമായി ലഭിക്കും.


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.