2017 November 11 Saturday
ഇന്നലെയോളമെന്തെന്നറിഞ്ഞീലാ ഇന്നി നാളെയുമെന്തെന്നറിഞ്ഞീലാ ഇന്നിക്കണ്ട തടിക്കു വിനാശവു മിന്ന നേരമെന്നേതുമറിഞ്ഞീലാ.
പൂന്താനം നമ്പൂതിരി

സഊദി യമന്‍ അതിര്‍ത്തിയില്‍ സഊദി ആക്രമണത്തില്‍ 70 ലധികം ഹൂതികള്‍ കൊല്ലപ്പെട്ടു

റിയാദ്: യമനുമായി അതിര്‍ത്തി പങ്കിടുന്ന മേഖലയില്‍ സഊദി സൈന്യം നടത്തിയ ആക്രമണത്തില്‍ 70 ലധികം ഹൂതികള്‍ കൊല്ലപ്പെട്ടു. അറബ് സൈനിക അകമ്പടിയോടെയാണ് സഊദി അതിര്‍ത്തി രക്ഷാ സേന സൈനിക നീക്കം നടത്തിയത്.

യമനിലെ വിമത വിഭാഗങ്ങളായ ഹൂതികളെയും പ്രമുഖ വിമത വിഭാഗമായ അലി അബ്ദുല്ല സാലിഹ് വിഭാഗം സൈനികരെയും ലക്ഷ്യമാക്കിയാണ് അതിര്‍ത്തിയില്‍ സഊദി സൈനിക നടത്തിയത്.

യമനുമായി സഊദി അതിര്‍ത്തി പങ്കിടുന്ന മേഖലയില്‍ വിവിധയിടങ്ങള്‍ കേന്ദ്രീകരിച്ചു യമനിലെ വിമത വിഭാഗങ്ങള്‍ സഊദിക്കെതിരെ നടത്തുന്ന നീക്കത്തിനെതിരെയാണ് സഊദി സൈനിക നടപടിയിലൂടെ ശക്തമായി തിരിച്ചടിച്ചത്.

യമന്‍ സൈനിക സഹായത്തോടെ അപ്പാച്ചെ ഹെലികോപ്റ്റര്‍ അകമ്പടിയോടെ വാദി അബ്ദുല്ലയിലാണ് ഒന്നാം ഘട്ട സൈനിക നീക്കം നടത്തിയത്. ഇവിടെ ഇരുപതിലധികം ഹൂതികളെ വകവരുത്തിയെന്ന് സൈന്യം അറിയിച്ചു. അല്‍ റബൂഹക്ക് എതിര്‍ വശത്തു നടന്ന രണ്ടാം വട്ട സൈനിക നീക്കത്തില്‍ സഊദി സഖ്യത്തിനെതിരെ ഹൂതികള്‍ മിസൈല്‍ ഉപയോഗിച്ച് തിരിച്ചടിച്ചെങ്കിലും ശക്തമായ തിരിച്ചടിയാണ് സഊദി സൈന്യം നടത്തിയത്. ഒരു ദിവസം മുഴുവന്‍ നീണ്ടു നിന്ന മൂന്നാം ഘട്ടം നജ്‌റാന് സമീപം നടന്ന സൈനിക നീക്കത്തിലാണ് ഹൂഥികള്‍ക്ക് കൂടുതല്‍ ആള്‍ നാശം നേരിട്ടത്.


 

 

 


കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.