2018 June 24 Sunday
സ്‌നേഹിക്കുവാന്‍ ത്യജിക്കുക തന്നെ വേണം. ഇത് ലോകത്തിന്റെ മൗലിക സത്യമാണ്
രവീന്ദ്രനാഥ് ടാഗോര്‍

സഊദി- അമേരിക്ക സംയുക്ത സൈനിക പരിശീലനം ആരംഭിച്ചു

റിയാദ്: സൈനികതലത്തില്‍ കൂടുതല്‍ സഹകരണം ഊട്ടിയുറപ്പിച്ച് സഊദി-അമേരിക്ക സംയുക്ത സൈനിക പരിശീലനത്തിന് തുടക്കമായി. ‘ഫ്രണ്ട്ഷിപ്പ് 2018’ എന്ന പേരിലാണ് സൈനിക പരിശീലനം നടക്കുന്നത്.
ഇരുരാജ്യങ്ങളിലെയും കരസേനാ വിഭാഗമാണ് പരിശീലനത്തില്‍ പങ്കെടുക്കുന്നത്.
പരമ്പരാഗതവും നവീനവുമായ യുദ്ധതന്ത്രങ്ങള്‍ കൈമാറുക, യുദ്ധമുഖത്ത് നേരിടേണ്ടിവരുന്ന വിവിധ സാഹചര്യങ്ങള്‍ പങ്കുവയ്ക്കുക, ശത്രുവിനെ എതിരിടുന്നതില്‍ തന്ത്രങ്ങള്‍ മെനയുക തുടങ്ങിയ ലക്ഷ്യങ്ങള്‍ മുന്നില്‍ക്കണ്ടാണ് സൈനിക പരിശീലനം ആരംഭിച്ചത്.
സഊദി സൈനിക മിലിട്ടറി യൂനിറ്റുകളുടെ ശേഷി വര്‍ധിപ്പിക്കുന്നതിനും അതിനൂതന യുദ്ധ സാമഗ്രികള്‍ ഉപയോഗിക്കുന്നതില്‍ സൈന്യത്തെ സജ്ജമാക്കുന്നതിനും സംയുക്ത സൈനിക പരിശീലനം ഉപകരിക്കുമെന്ന് വടക്കന്‍ പ്രവിശ്യ അസിസ്റ്റന്റ് കമാന്‍ഡന്റ് മേജര്‍ ജനറല്‍ സ്വാലിഹ് ബിന്‍ അഹ്മദ് അല്‍സഹ്‌റാനി പറഞ്ഞു.


കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.