2018 June 14 Thursday
ചിന്തയുടെ വെളിപാടാണ് മനുഷ്യനെ അടിമത്വത്തില്‍ നിന്ന് മോചിപ്പിച്ച് സ്വാതന്ത്ര്യത്തിലേക്ക് നയിക്കുന്നത്.
-എമേഴ്‌സണ്‍

സഊദിയെ എഴുതിത്തള്ളാനാവില്ല

ഉറുഗ്വെ, റഷ്യ, ഈജിപ്ത് എന്നിവരടങ്ങുന്ന എ ഗ്രൂപ്പില്‍ നിന്ന് നാലാം സ്ഥാനമാണ് സഊദി അറേബ്യക്ക് ഫുട്‌ബോള്‍ ലോകം കണക്കാക്കുന്നത്. എന്നാല്‍ ഞങ്ങളെ അങ്ങനെ ആരും എഴുതിത്തള്ളേണ്ട എന്നാണ് സഊദിയുടെ മുന്നറിയിപ്പ്. കാരണം കഴിഞ ദിവസം നടന്ന പരിശീകരുടെ വാര്‍ത്ത സമ്മേളത്തില്‍ പരിശീലകന്‍ അന്റോണിയോ പിസ്സി ഇപ്രകാരമായിരുന്നു പറഞ്ഞത്. എല്ലാവരുംകണക്കാക്കുന്ന പോലെ ഞങ്ങള്‍ നാലാം സ്ഥാനം മാത്രമല്ല അര്‍ഹിക്കുന്നത്. ഞങ്ങള്‍ എന്താണ് അര്‍ഹിക്കുന്നതെന്ന് ഞങ്ങളുടെ ആദ്യ മത്സരം കണ്ട് നിങ്ങള്‍ വിലയിരുത്തിയാല്‍ മതി. ബാക്കിയുള്ളതെല്ലാം പിന്നീട് പറയാമെന്നായിരുന്നു പിസ്സിയുടെ പ്രതികരണം. വിജയ തന്ത്രമായി സഊദി എന്തോ കരുതിയിരിക്കുന്നു എന്നതാണ് പിസ്സിയുടെ മറുപടിയില്‍ നിന്ന് വ്യക്തമാകുന്നത്. ഏഷ്യന്‍ ചാംപ്യന്‍മാരായിട്ടാണ് സഊദി റഷ്യയിലേക്കെത്തിയിട്ടുള്ളത്. യോഗ്യാതാ മത്സരങ്ങളില്‍ മികച്ച പ്രകടനമായിരുന്നു സഊദി പുറത്തെടുത്തത്.
കരുത്തരായ ആസ്‌ത്രേലിയയെ അടക്കം തോല്‍പിച്ചായിരുന്നു സഊദി റഷ്യയിലേക്ക് ടിക്കെറ്റെടുത്തത്. ഉറുഗ്വെയാണ് ഗ്രൂപ്പില്‍ സഊദിക്ക് പ്രധാമായും എതിരിടേണ്ടി വരുക. കവാനി, സുവാരസ് നിര അണിനിരക്കുന്ന ഉറുഗ്വെ മുന്നേറ്റത്തെ പ്രതിരോധിക്കാനുള്ള വഴിയും ടീം ഒരുക്കിയിട്ടുണ്ടെന്ന് കോച്ച് അവകാശപ്പെടുന്നു. അവസാനമായി കളിച്ച സൗഹൃദമത്സരത്തില്‍ ജര്‍മനിയുമായി മികച്ച പ്രകടനമായിരുന്നു ടീം പുറത്തെടുത്തത്. ഇത് ടീമിന്റെ അത്മവിശ്വാസം വാനോളം ഉയര്‍ത്തുന്നുണ്ട്.

 


കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.