2019 February 23 Saturday
പശുക്കള്‍ അയവിറക്കും പോലെ നാവു കൊണ്ട് അയവിറക്കി വായാടിത്തത്തോടെ സംസാരിക്കുന്നവനോട് അല്ലാഹു കോപിക്കും – മുഹമ്മദ് നബി(സ)

സഊദിയില്‍ സര്‍ക്കാര്‍ സേവനങ്ങള്‍ നല്‍കുന്ന ഓണ്‍ലൈന്‍ സംവിധാനത്തിനു നേരെ സൈബര്‍ ആക്രമണം

ദമാം: സഊദിയില്‍ സര്‍ക്കാര്‍ സേവനങ്ങള്‍ നല്‍കുന്ന ഓണ്‍ലൈന്‍ സംവിധാനത്തിന്റെ പൊതു പ്ലാറ്റ്‌ഫോമായ ‘ഇല്‍മ് ‘ കമ്പനിക്കു നേരെ സൈബര്‍ ആക്രമണം. കഴിഞ്ഞ ചൊവ്വാഴ്ച നടന്ന ആക്രമണത്തെ തുടര്‍ന്ന് അധികൃതര്‍ ജാഗ്രതയിലായതിനാല്‍ കൂടുതല്‍ പ്രശ്‌നങ്ങളുണ്ടാവാതെ സൂക്ഷിക്കാനായി.

വിദേശികളുമായി ബന്ധപ്പെട്ട സേവനങ്ങള്‍ നല്‍കുന്ന സംവിധാനമാണ് ഇല്‍മ്. സഊദി ധനകാര മന്ത്രാലയത്തിന്റെ സഹകരണത്തോടെ പ്രവര്‍ത്തിക്കുന്ന ‘ഇല്‍മ് ‘ കമ്പനിയാണ് വിദേശികളുടെ എക്‌സിറ്റ് റീ എന്‍ട്രി, ഇഖാമ പുതുക്കല്‍ തുടങ്ങിയവ ചെയ്യുന്ന ‘മുഖീം’, ട്രാഫിക് സേവനങ്ങള്‍ നല്‍കുന്ന ‘തം’, റിക്രൂട്ട്‌മെന്റ് സേവനത്തിനുള്ള ‘മുസാനിദ് ‘ തുടങ്ങിയുള്ള വിവിധ ഓണ്‍ലൈന്‍ സംവിധാനങ്ങളുടെ ചുമതല വഹിക്കുന്നത്.
സീറോ ഡേ മാല്‍വെയര്‍ വഴിയാണ് ആക്രമണം നടന്നത്. ഉടന്‍ തന്നെ മുന്‍കരുതല്‍ സ്വീകരിച്ചതിനാല്‍ ആക്രമണം തടയാനായതായി കമ്പനി വക്താവ് അറിയിച്ചു.
അതേസമയം, ഇ മെയില്‍ വഴിയും മറ്റും സൈബര്‍ ആക്രമണ സാധ്യതയുണ്ടെന്നു വിവിധ വകുപ്പു ജീവനക്കാര്‍ക്കു സര്‍ക്കാര്‍ മുന്നറിയിപ്പു നല്‍കി.


കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.