2019 July 19 Friday
നിങ്ങളുടെ അമ്മയോട് സംസാരത്തില്‍ മൂര്‍ച്ചയുള്ള വാക്കുകള്‍ ഉപയോഗിക്കരുത്. നിങ്ങളെ സംസാരിക്കാന്‍ പഠിപ്പിച്ചത് ആ അമ്മയാണെന്ന് മറക്കരുത്.

സഊദിയില്‍ ലുലു ഹൈപ്പര്‍ മാര്‍ക്കറ്റില്‍നിന്നു നാലര കോടി രൂപ തട്ടിപ്പുനടത്തി മലയാളി മുങ്ങി

റിയാദ്: സഊദിയിലെ റിയാദ് മുറബ്ബ ഹൈപ്പര്‍ മാര്‍ക്കറ്റില്‍ നിന്നും നാലര കോടിയോളം രൂപയുടെ വെട്ടിപ്പു നടത്തി മലയാളി മുങ്ങി.

സാമ്പത്തിക തിരിമറി നടത്തി രക്ഷപ്പട്ട യുവാവിനെതിരെ ലുലു ഗ്രൂപ്പ് അധികൃതര്‍ ഇന്ത്യന്‍ എംബസിയിലും കേരളാ സംസ്ഥാന പൊലിസ് മേധാവിക്കും തിരുവനന്തപുരം ജില്ലാ കളക്ടര്‍ക്കും സിറ്റി പോലീസ് കമ്മീഷണര്‍ക്കും പരാതി കൈമാറി.

നാലര വര്‍ഷത്തിലേറെയായി ഇവിടെ സൂപ്പര്‍മാര്‍ക്കറ്റ് മാനേജറായി ജോലി ചെയ്തിരുന്ന തിരുവനന്തപുരം കഴക്കൂട്ടം ശാന്തിനഗര്‍ സാഫല്യത്തില്‍ ഷിജു ജോസഫ് (42) ആണ് മുങ്ങിയത്. 2.23 മില്യണ്‍ റിയാലിന്റെ (ഏകദേശം 4.24 കോടി രൂപയുടെ) തട്ടിപ്പാണ് ജോലിയിരിക്കെ നടത്തിയതെന്നാണ് കണ്ടെത്തല്‍.

ജോലി ചെയ്യുന്ന സ്ഥാപനമറിയാതെ വിതരണക്കാരില്‍ നിന്ന് വന്‍ തോതില്‍ സാധനങ്ങള്‍ നേരിട്ട് ഓര്‍ഡര്‍ ചെയ്ത് മറിച്ച് വില്‍ക്കുകയായിരുന്നു. ഇതിനായി സ്ഥാപനത്തിന്റെ പേരില്‍ വ്യാജ സീല്‍ ഉള്‍പ്പടെയുള്ള രേഖകളും തയാറാക്കിയായിരുന്നു തട്ടിപ്പ്.

ഇത്തരത്തില്‍ ഓര്‍ഡര്‍ ചെയ്ത് വാങ്ങിയ സാധനങ്ങള്‍ പുറത്ത് മറിച്ച് വിറ്റ് ധനാപഹരണം നടത്തുകയായിരുന്നു ഇദ്ദേഹം. സാധനങ്ങള്‍ വാങ്ങിയ വകയില്‍ ബില്ലുകള്‍ അക്കൗണ്ട് വിഭാഗത്തില്‍ എത്തിയപ്പോഴാണ് തട്ടിപ്പ് വിവരം പുറത്തറിഞ്ഞത്.

തുടര്‍ന്ന് നടത്തിയ അന്വേഷണത്തിലാണ് ഇതിന്റെ സൂത്രധാരന്‍ ഷിജുവാണെന്ന് മനസ്സിലാവുന്നത്. തട്ടിപ്പ് വിവരം പുറത്തുവരുന്നതിനു മുന്‍പേ തന്നെ എമര്‍ജന്‍സി ലീവില്‍ ഷിജു നാട്ടിലേക്ക് മുങ്ങിയിരുന്നു.

വീട്ടുകാരുമായി ബന്ധപ്പെട്ട് നടത്തിയ അന്വേഷണത്തില്‍ ഷിജു അവിടെ എത്തിയിട്ടില്ല എന്നാണ് ലഭിച്ച വിവരം. തുടര്‍ന്നാണ് കമ്പനി അധികൃതര്‍ പരാതി നല്‍കിയത്. ഷിജുവിനെ കണ്ടെത്താനുള്ള അന്വേഷണം കഴക്കൂട്ടം പോലീസ് ഊര്‍ജിതമാക്കിയിട്ടുണ്ട്.


 


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.