2019 April 23 Tuesday
പുറമെ നിന്ന് അടിച്ചേല്‍പിക്കാവുന്ന ഒന്നല്ല ജനാധിപത്യം എന്നത്. അത് ഉള്ളില്‍ നിന്നുതന്നെ വരേണ്ടതാണ് -മഹാത്മാഗാന്ധി

സഊദിയില്‍ കോ പൈലറ്റ് തസ്തിക സ്വദേശിവല്‍ക്കരിക്കുന്നു

എയര്‍ ഹോസ്റ്റസ്
മേഖലയില്‍ വനിതകളെ നിയമിക്കാനും നീക്കം

റിയാദ്: രാജ്യത്തെ വിമാനക്കമ്പനികളിലെ വിവിധ തസ്തികകള്‍ സ്വദേശിവല്‍ക്കരിക്കാനും വനിതകളെ നിയമിക്കാനും നീക്കം തുടങ്ങി. വിമാനങ്ങളിലെ കോ പൈലറ്റ് സ്ഥാനം സഊദിവല്‍ക്കരിക്കുകയും എയര്‍ ഹോസ്റ്റസ് മേഖലയില്‍ വനിതകളെ നിയമിക്കുകയുമാണ് ലക്ഷ്യം. നിലവില്‍ മൂന്നു വര്‍ഷത്തിനുള്ളില്‍ കോ പൈലറ്റ് തസ്തിക പൂര്‍ണമായും സഊദിവല്‍ക്കരിക്കാനാണ് ശ്രമിക്കുന്നതെന്ന് ഓക്‌സ്‌ഫോര്‍ഡ് ഏവിയേഷന്‍ അക്കാദമി സി.ഇ.ഒ കേണല്‍ ഉസ്മാന്‍ അല്‍ മുതൈരി പറഞ്ഞു. ഇതേസമയം തന്നെ രാജ്യത്തെ വിമാനക്കമ്പനികളിലെ എയര്‍ ഹോസ്റ്റസ് നിയമനം പൂര്‍ണമായും വനിതകള്‍ക്കായി നീക്കിവയ്ക്കാനും നീക്കമുണ്ട്. സഊദിയില്‍ വനിതകള്‍ക്ക് ഡ്രൈവിങ് അനുമതി നല്‍കിയത് മൂലം പൈലറ്റ് മേഖലകളിലേക്കും വനിതകള്‍ രംഗത്തെത്തിയിരുന്നു. 

രാജ്യത്തെ സ്വകാര്യവിമാന കമ്പനിയായ ഫ്‌ളൈനാസ് എയര്‍ കോ പൈലറ്റ് സ്ഥാനത്തേക്ക് വനിതകളെ ഉടന്‍ നിയമിച്ചുതുടങ്ങുമെന്ന് കമ്പനി അറിയിച്ചു. സഊദി വ്യോമരംഗത്തെ വനിതകള്‍ക്ക് ഉയര്‍ന്ന തസ്തികകള്‍ നല്‍കുന്നതിനുള്ള നീക്കങ്ങള്‍ തുടങ്ങിയതായി ഫ്‌ളൈനാസ് ചീഫ് എക്‌സിക്യൂട്ടിവ് ഓഫിസര്‍ ബന്ദര്‍ അല്‍ മൊഹന്ന പറഞ്ഞു.
രാജ്യത്തെ വ്യോമയാന വിപണിയില്‍ അടുത്ത പത്തു കൊല്ലം പ്രതിവര്‍ഷം 400 മുതല്‍ 600 വരെ പൈലറ്റുമാരെ ആവശ്യമാണെന്നാണ് കണക്കുകള്‍.


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.