2020 June 01 Monday
കോവിഡിനെതിരെ പ്രതിരോധം ശക്തമാക്കി ബഹ്റൈന്‍; രാജ്യത്ത് പരീക്ഷണാടിസ്ഥാനത്തില്‍ ഇനി പ്ലാസ്മ ചികിത്സയും

ഷൂട്ടിങ് അപകടം: സംവിധായകന്‍ കീഴടങ്ങി

ബംഗളുരു: കന്നട സിനിമയായ മസ്തിഗുഡിയുടെ ചിത്രീകരണത്തിനിടെ തടാകത്തില്‍ നടന്മാര്‍ മുങ്ങിമരിച്ച സംഭവത്തില്‍ സംവിധായകന്‍ നാഗശേഖറും സ്റ്റണ്ട് മാസ്റ്റര്‍ രവിവര്‍മയും പൊലിസില്‍ കീഴടങ്ങി. മഗാദി റോഡ് പൊലിസ് സ്റ്റേഷനിലാണ് ഇരുവരും കീഴടങ്ങിയത്. ദുനിയാ വിജയ് നായകനായ മസ്തിഗുഡി  സിനിമയുടെ ക്ലൈമാക്‌സ് ചിത്രീകരിക്കുന്നതിനിടെയാണ് നടന്‍മാരായ അനില്‍കുമാര്‍,രാഘവ് ഉദയ് എന്നിവര്‍ മുങ്ങി മരിച്ചത്. ഹെലികോപ്റ്ററില്‍ നിന്നും തടാകത്തിലേക്ക് ചാടുന്ന രംഗമായിരുന്നു ചിത്രീകരിച്ചിരുന്നത്. നായക നടനായ ദുനിയാ വിജയ് നീന്തി രക്ഷപ്പെട്ടിരുന്നു.രാമനഗര ജില്ലയിലെ തിപ്പനഗൊണ്ടഹള്ളി തടാകത്തിനു മുകളിലാണ് ഷൂട്ടിങ് നടന്നത്.  72 മണിക്കൂറിനു ശേഷമാണ് നടന്‍മാരുടെ മൃതദേഹങ്ങള്‍ ലഭിച്ചത്.  മുന്‍കരുതല്‍ എടുക്കാതെ ചിത്രീകരിച്ചതിന്റെ പേരില്‍ നിര്‍മാതാവിനും സംവിധായകനുമെതിരേ പൊലിസ് കേസെടുത്തിരുന്നു.


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.