2019 July 19 Friday
നിങ്ങളുടെ അമ്മയോട് സംസാരത്തില്‍ മൂര്‍ച്ചയുള്ള വാക്കുകള്‍ ഉപയോഗിക്കരുത്. നിങ്ങളെ സംസാരിക്കാന്‍ പഠിപ്പിച്ചത് ആ അമ്മയാണെന്ന് മറക്കരുത്.

ശിക്ഷയില്‍ ഇളവുതേടി അസാറാം ബാപ്പു ഗവര്‍ണര്‍ക്ക് കത്തയച്ചു

 

ജെയ്പൂര്‍: ജീവപര്യന്തം ശിക്ഷയില്‍ ഇളവുതേടി വിവാദ ആള്‍ദൈവം അസാറാം ബാപ്പു രാജസ്ഥാന്‍ ഗവര്‍ണര്‍ക്ക് കത്ത് നല്‍കി. ക്രൂരമായ ശിക്ഷയാണ് തനിക്കെതിരേ വിധിച്ചതെന്നും എന്നാല്‍, തന്റെ പ്രായം പരിഗണിച്ച് ഇളവ് നല്‍കണമെന്നുമാണ് കത്തിലെ ആവശ്യം.
അഞ്ചു വര്‍ഷം മുന്‍പ് ആശ്രമത്തില്‍വച്ച് 16കാരിയായ പെണ്‍കുട്ടിയെ അസാറാം ബാപ്പു പീഡിപ്പിച്ചുവെന്ന പരാതിയില്‍ കഴിഞ്ഞ ഏപ്രില്‍ 25നാണ് അദ്ദേഹം ജയിലഴിക്കുള്ളിലായത്.
എന്നാല്‍ ഇതിനെ ചോദ്യം ചെയ്ത് രാജസ്ഥാന്‍ ഹൈക്കോടതിയില്‍ ജൂലൈ രണ്ടിന് ഹരജി നല്‍കിയെങ്കിലും ഇതുവരെ പരിഗണനക്കെടുത്തിട്ടില്ല. ഈ സാഹചര്യത്തിലാണ് അദ്ദേഹം ഗവര്‍ണര്‍ക്ക് കത്ത് നല്‍കിയത്.
അതേസമയം കത്തിന്റെ പശ്ചാത്തലത്തില്‍ രാജസ്ഥാന്‍ ഗവര്‍ണര്‍ കല്യാണ്‍ സിങ് കേന്ദ്ര ആഭ്യന്തര മന്ത്രാലയത്തോട് വിശദീകരണം തേടി.

 


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.