2018 November 17 Saturday
ജീവിച്ചതല്ല ജീവിതം, നാം ഓര്‍മയില്‍ വയ്ക്കുന്നതാണ്, പറഞ്ഞു കേള്‍പ്പിക്കാന്‍ വേണ്ടി നാം ഓര്‍മ്മയില്‍ വയ്ക്കുന്നതാണു ജീവിതം

ശാരദക്ക് ഇനി ബൈത്തുറഹ്മയുടെ തണലില്‍ അന്തിയുറങ്ങാം

തൃക്കരിപ്പൂര്‍: കൂലേരിയിലെ ശാരദക്ക് ഇനി ബൈത്തുറഹ്മയുടെ തണലില്‍ അന്തിയുറങ്ങാം. അബൂദാബി തൃക്കരിപ്പൂര്‍ പഞ്ചായത്ത് കെ.എം.സി പഞ്ചായത്ത് മുസ്‌ലിം ലീഗിന്റെ സഹകരണത്തോടെ കൂലേരിയിലെ ശാരദയുടെ കുടുംബത്തിനായി മുണ്ട്യ ദേവസ്വത്തിന് സമീപം പണിത ബൈത്തുറഹ്മ ഭവനത്തിന്റെ താക്കോല്‍ കൈമാറി. അബൂദാബി കെ.എം.സി.സി തൃക്കരിപ്പൂര്‍ പഞ്ചായത്തിനകത്ത് നിര്‍മിച്ചു നല്‍കുന്ന 42മത്തെ വീടാണിത്.
ഇന്നലെ നടന്ന ലളിതമായ ചടങ്ങില്‍ യു.എ.ഇ എക്‌സേഞ്ച് സി.ഇ.ഒ സുധീര്‍കുമാര്‍ ഷെട്ടി വീടിന്റെ താക്കോല്‍ ശാരദക്ക് കൈമാറി. പഞ്ചായത്ത് മുസ്്‌ലിം ലീഗ് പ്രസിഡന്റ് എം. അബ്ദുല്ല ഹാജി അധ്യക്ഷനായി. ജില്ലാപഞ്ചായത്ത് പ്രസിഡന്റ് എ.ജി.സി ബഷീര്‍, അഡ്വ. എം.ടി.പി കരീം, സത്താര്‍ വടക്കുമ്പാട്, എസ്. കുഞ്ഞഹമ്മദ്, ഒ.ടി അഹമ്മദ് ഹാജി, ടി.വി അബ്ദുല്‍വഹാബ്, ഷുക്കൂര്‍ ഒളവറ, എന്‍. അബൂബക്കര്‍, വി.പി അബ്ദുല്‍ ഖാദര്‍, വി.പി അബ്ദുറഹ്്മാന്‍, എ.ജി.എ റഹ്്മാന്‍, ടി.പി അഹമ്മദ് ഹാജി, എന്‍.കെ.പി മുഹമ്മദ് കുഞ്ഞി, ശംസുദ്ദീന്‍ ആയിറ്റി, ഇബ്‌റാഹിം തട്ടാനിച്ചേരി, പി. അബ്ദുല്‍ ഖാദര്‍, എ.സി അതാഉള്ള, കെ.എം കുഞ്ഞി, മുസ്തഫ ഉദിനൂര്‍, അസീസ് കൂലേരി, യു.പി ഫായിസ്, ടി.വി കുഞ്ഞബ്ദുല്ല, എന്‍. ശാഹുല്‍ ഹമീദ്, പി. ഹമീദ്, എം. അബ്ദുറഹ്്മാന്‍ സംബന്ധിച്ചു.

 


കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.