2017 May 27 Saturday
സ്വര്‍ഗത്തിന് റയ്യാന്‍ എന്ന ഒരു കവാടമുണ്ട്. ഉയിര്‍ത്തെഴുന്നേല്‍പു നാളില്‍ നോമ്പുകാരല്ലാതെ ആരും ആ കവാടത്തിലൂടെ പ്രവേശിക്കില്ല.
മുഹമ്മദ് നബി(സ്വ)

ശബരിമല തീര്‍ഥാടകരുടെ കാറും അരിലോറിയും കൂട്ടിയിടിച്ച് എട്ടു പേര്‍ക്ക് പരുക്ക്

പത്തനംതിട്ട: ശബരിമല തീര്‍ഥാടകര്‍ സഞ്ചരിച്ചിരുന്ന മാരുതി കാറും എതിരേ വന്ന ലോറിയും കൂട്ടിയിടിച്ച് എട്ടുപേര്‍ക്ക് പരുക്ക്.
കൊല്ലം കോവൂര്‍ വിശാഖത്തില്‍ ജയകുമാര്‍(50), മകന്‍ അഭിജിത്ത്(18), പ്രസന്ന വിലാസത്തില്‍ ആര്‍ദ്ര(എട്ട്), നന്ദനത്തില്‍ അനന്തു(14), സഹോദരന്‍ ആദിത്യന്‍ (ഏഴ്), വയല നന്ദനത്തില്‍ വിജയന്‍(44), ചരുവിള പുത്തന്‍വീട്ടില്‍ അനില്‍(41),  വിശാഖത്തില്‍ അജിത്(22) എന്നിവര്‍ക്കാണ് പരുക്ക്.
ഗുരുതരമായ പരുക്കേറ്റ ആര്‍ദ്രയെയും അഭിജിത്തിനെയും കോട്ടയം മെഡിക്കല്‍ കോളേജ് ആശുപത്രിയില്‍ പ്രവേശിപ്പിച്ചു.
ജയകുമാറിനെ പത്തനംതിട്ട മുത്തൂറ്റ് ആശുപത്രിയിലും മറ്റ് മൂന്ന് പേരെ പത്തംനതിട്ട ജനറല്‍ ആശുപത്രിയിലും പ്രവേശിപ്പിച്ചെങ്കിലും പരുക്ക് ഗുരുതരമായതിനാല്‍ ഇവരെയും വൈകിട്ടോടെ കോട്ടയം മെഡിക്കല്‍ കോളജ് ആശുപത്രിയിലേക്ക് കൊണ്ടുപോയി. ഇവരുടെ തലയ്ക്കും കൈകാലുകള്‍ക്കുമാണ് പരിക്കധികവും.
ഇന്നലെ ഉച്ചക്ക് 2.30ന് മൈലപ്ര പള്ളിപ്പടി കവലക്ക് സമീപമാണ് അപകടം. ദര്‍ശനം കഴിഞ്ഞ് മടങ്ങി വരവേയായിരുന്നു അപകടം. റാന്നി ഭാഗത്തേക്ക് പോകുകയായിരുന്ന അരി നിറച്ച ലോറിയുമായാണ് കാര്‍ കുട്ടിയിടിച്ചത്. അപകടം നടന്ന ഉടന്‍ നാട്ടുകാരും പൊലിസും ഫയര്‍ഫോഴ്‌സും സ്ഥലത്തെത്തി രക്ഷാപ്രവര്‍ത്തനം നടത്തി. അപകടത്തെ തുടര്‍ന്ന് ഈ റൂട്ടില്‍ ഏറെ നേരം ഗതാഗത തടസവും ഉണ്ടായി. അപകടത്തില്‍ കാര്‍ പൂര്‍ണ്ണമായും തകര്‍ന്നു. കാര്‍ വെട്ടിപ്പൊളിച്ചാണ് പരിക്കേറ്റവരെ പുറത്തെടുത്തത്.


കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.