2019 January 24 Thursday
പരിഹാസമെന്നത് പിശാചിന്റെ ഭാഷയത്രെ

ശനിയുടെ ഉപഗ്രഹങ്ങളില്‍ ജീവന്റെ തുടിപ്പ്

വാഷിങ്ടണ്‍: ശനിയുടെ ഉപഗ്രഹത്തില്‍ ജീവന്റെ തുടിപ്പുണ്ടെന്ന് കണ്ടെത്തല്‍. എന്‍സൈലദൂസ് എന്ന ശനിയുടെ ഉപഗ്രഹത്തിന്റെ വിള്ളലുകളിലാണ് ജീവന്ന് ആവശ്യമായ ഘടകങ്ങള്‍ ഉണ്ടെന്ന് കണ്ടെത്തിയിരിക്കുന്നത്. ഭൂമിയിലേതിന് സമാനമായ ജീവിക്കാനാവശ്യമുള്ള ഘടകങ്ങള്‍ എന്‍സൈലദൂസിലുണ്ടെന്ന് നാസയുടെ പേടകമായ കാസിനയാണ് കണ്ടെത്തിയിരിക്കുന്നത്. സമുദ്രത്തിനടിയില്‍ നിന്ന് രാസപ്രക്രയകളിലൂടെ വന്‍തോതില്‍ മീഥെയ്ന്‍, ഹൈഡ്രജന്‍ തുടങ്ങിയ വാതകങ്ങള്‍ പുറന്തള്ളുന്നുണ്ട്. മഞ്ഞുപാളികളിലെ വിള്ളലുകളിലൂടെ പുറത്തേക്കു വരുന്ന വാതകങ്ങളില്‍ നിന്നാണ് കാസിന സാംപിളുകള്‍ ശേഖരിച്ചത്. സാംപിളുകളില്‍ നടത്തിയ പരിശോധനയില്‍ എന്‍സൈലദൂസിന്റെ മധ്യഭാഗത്ത് കാര്‍ബണ്‍ സമ്പുഷ്ടമായ വസ്തുക്കള്‍ ഉല്‍പാദിക്കപ്പെടുന്നുവെന്ന് ഗവേഷകര്‍ കണ്ടെത്തുകയായിരുന്നു. ജീവന്‍ നിലനിര്‍ത്താനാവശ്യമായ അടിസ്ഥാന ജൈവ വസ്തുക്കളാണ് ഇവയെന്ന് ഗവേഷണത്തിന് നേതൃത്വം നല്‍കിയ ഡോ. ഫ്രാങ്ക് പോസ്റ്റബര്‍ഗ് പറഞ്ഞു.


കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.