2019 July 23 Tuesday
നിങ്ങളുടെ അമ്മയോട് സംസാരത്തില്‍ മൂര്‍ച്ചയുള്ള വാക്കുകള്‍ ഉപയോഗിക്കരുത്. നിങ്ങളെ സംസാരിക്കാന്‍ പഠിപ്പിച്ചത് ആ അമ്മയാണെന്ന് മറക്കരുത്.

വോട്ടിംഗ് മഴപ്പേടിയെ അവഗണിച്ച്

പത്തനംതിട്ട: കനത്ത മഴയുണ്ടാകുമെന്ന അറിയിപ്പിനെ തുടര്‍ന്ന് ജനങ്ങള്‍ രാവിലെതന്നെ കൂട്ടത്തോടെ എത്തിയത് പല ബൂത്തുകളിലും തിരക്കിന് കാരണമായി. മഴയെ അവഗണിച്ച് രാവിലെ മുതല്‍ തന്നെ മിക്ക ബൂത്തുകളിലും നീണ്ട ക്യൂ ദൃശ്യമായിരുന്നു. ആറന്മുള മണ്ഡലത്തിലെ ഓമല്ലൂര്‍ ഗവ. ഹയര്‍ സെക്കന്‍ഡറി സ്‌കൂളിലെ ബൂത്തില്‍ രാവിലെ പത്തോടെ 22 ശതമാനം പോളിംഗ് രേഖപ്പെടുത്തി.

 

 അടൂര്‍ മണ്ഡലത്തിലെ ഗവ. യുപി സ്‌കൂളിലെ 81-ാം നമ്പര്‍ ബൂത്തില്‍ ഉച്ചയ്ക്ക് 12ന് പോളിംഗ് ശതമാനം 42 കടന്നു. ഇവിടുത്തെ മറ്റ് മൂന്നു ബൂത്തുകളിലും 40 ശതമാനത്തിനു മുകളിലായിരുന്നു പോളിംഗ്. ഇടയാടിയിലെ ഗവ. എല്‍പി സ്‌കൂളിലെ 24, 25 ബൂത്തുകളില്‍ 12 ന് 42.11 ശതമാനം, 41.3 ശതമാനം എന്നിങ്ങനെ പോളിംഗ് രേഖപ്പെടുത്തി. പന്തളം എന്‍.എസ്.എസ് എച്ച്.എസ്.എസിലെ വനിതാ പോളിംഗ് ബൂത്തില്‍ ഈ സമയം 46 ശതമാനമായിരുന്നു പോളിംഗ്. ആറന്മുളയിലെ 136 -ാം ബൂത്തില്‍ ഉച്ചയോടെ പോളിംഗ് 40 ശതമാനം കടന്നു. കടമ്മനിട്ട ഗവ. എച്ച്.എസ്.എസിലെ 94 -ാം ബൂത്തില്‍ വൈകിട്ട് മൂന്നോടെ പോളിംഗ് ശതമാനം 63.5 ആയി. 96 -ാം ബൂത്തില്‍ 65.98 ശതമാനമായിരുന്നു പോളിംഗ്. വൈകിട്ട് മൂന്നിന് 95-ാം ബൂത്തില്‍ 63 ശതമാനം വോട്ടില്‍ 53 ശതമാനവും ഉച്ചയ്ക്ക് മുന്‍പായിരുന്നു രേഖപ്പെടുത്തിയത്. റാന്നിയിലെ പേഴുംപാറ ഡോ. പല്‍പു മെമ്മോറിയല്‍ യു.പി.എസിലെ ബൂത്തില്‍ രാവിലെ 11 വരെ 35 ശതമാനം വോട്ട് രേഖപ്പെടുത്തിയപ്പോള്‍ കോന്നിയിലെ മണിയാര്‍ ഹൈസ്‌കൂളില്‍ 37.4 ശതമാനം പോളിംഗ് രേഖപ്പെടുത്തി. കോന്നി നീലീപ്പിലാവ് എല്‍.പി സ്‌കൂളില്‍ ഉച്ചയ്ക്ക് 12.30 ഓടെ 61 ശതമാനം വോട്ട് രേഖപ്പെടുത്തി. മാതൃകാ, ഹരിത പോളിംഗ് ബൂത്തായ പത്തനംതിട്ട കാതോലിക്കേറ്റ് ഹയര്‍ സെക്കന്‍ഡറി സ്‌കൂളില്‍ വൈകിട്ട് നാലുവരെ 65.35 ശതമാനം പോളിംഗാണ് നടന്നത്.


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.